கடந்த சில நாட்களுக்கு முன்னர் சூப்பர் ஸ்டார் ரஜினிகாந்த் தூத்துகுடி சென்று துப்பாக்கி சூடு சம்பவத்தில் பலியானவர்களுக்குக் இரங்கலும், காயம் அடைந்தவர்களுக்கு ஆறுதலும் கூறிவிட்டு சென்னை திரும்பினார். அவரது தூத்துகுடி வருகை தலைப்பு செய்திகளில் இடம்பெற்றது மட்டுமின்றி அவர் பேசிய கருத்துக்களும் பெரும் சர்ச்சையை கிளப்பின. அதே நேரத்தில் நேற்று நள்ளிரவு நடிகர் விஜய், எந்தவித ஆரவாரமும் இல்லாமல் தூத்துகுடி சென்று பாதிக்கப்பட்ட குடும்பத்தினர்களை சந்தித்து ஆறுதல் கூறியதோடு ,பத்திரிகையாளர்களை கூட சந்திக்காமல் திரும்பிவிட்டார்.

இந்த நிலையில் இந்த இரண்டு நிகழ்வுகளையும் ஒப்பிட்ட இயக்குனர் அமீர், 'தூத்துகுடி துப்பாக்கி சூடு சம்பவத்தில் பாதிக்கப்பட்டவர்களை எப்படி சந்தித்து ஆறுதல் கூற வேண்டும் என்பதை நடிகர் விஜய்யிடம் ரஜினிகாந்த் கற்றுக்கொள்ள வேண்டும். ஒரு துக்க வீட்டிற்கு சென்று எப்படி அனுதாபம் தெரிவிக்க வேண்டும் என்பதை விஜய் செய்து காட்டியுள்ளார். அந்த சிடியை பார்த்து ரஜினிகாந்த் பின்பற்றினால் நன்றாக இருக்கும் என்று கூறியுள்ளார்.

மேலும் தான் ஏற்கனவே கூறியுள்ளபடி ரஜினியின் தூத்துகுடி பயணம் முழுக்க முழுக்க 'காலா' படத்தின் புரமோஷன் தான் என்றும் அமீர் மீண்டும் குற்றஞ்சாட்டியுள்ளார்.