ரஜினிகாந்த் , கமல்ஹாசன், விஜயகாந்த், சரத்குமார்,அஜித், விஜய், சூர்யா உட்பட பல பிரபலங்களுக்கு ஜோடியாக நடித்த நடிகை, சசிகுமாருக்கு ஜோடியாக நடிக்க உள்ளதாக தகவல் வெளியாகி உள்ளது.

ரஜினிகாந்துடன் ’பேட்ட’, கமல்ஹாசனுடன் ’பஞ்சதந்திரம்’ உட்பட சில படங்கள், விஜயகாந்த் உடன் ’ரமணா’, சரத்குமாருடன் ‘அரசு’, விஜய்யுடன் ’துள்ளாத மனமும் துள்ளும்’ உட்பட சில படங்கள், அஜித் உடன் ’அவள் வருவாளா’ உள்ளிட்ட சில படங்கள், சூர்யாவுடன் ’வாரணம் ஆயிரம்’ உள்ளிட்ட சில படங்கள் என பல பிரபலங்களுடன் இணைந்து நடித்தவர் நடிகை சிம்ரன். சமீபத்தில் இவர் சுந்தர் சி இயக்கத்தில் உருவான ’அரண்மனை 4’ திரைப்படத்தில் அம்மன் பாடல் அம்மன் பாடலுக்கு நடனமாடினார் என்பது தெரிந்தது.

இந்த நிலையில் சசிகுமார் நடிக்கும் அடுத்த திரைப்படத்தில் அவருக்கு ஜோடியாக நடிக்க சிம்ரன் ஒப்பு கொண்டிருப்பதாகவும் இந்த படம் குறித்த அறிவிப்பு விரைவில் வெளியாகும் என்றும் கூறப்படுகிறது.

மணிகண்டன் நடித்த ’குட் நைட்’ படத்தை தயாரித்த மில்லியன் டாலர் பிக்சர்ஸ் நிறுவனம் இந்த படத்தை தயாரிக்க இருப்பதாகவும் இது முழுக்க முழுக்க குடும்ப கதை என்றும் சென்டிமென்ட் அதிகம் உள்ள படம் என்றும் கூறப்படுகிறது.

சசிகுமார் நடித்த ’அயோத்தி’ ’கருடன்’ ஆகிய படங்கள் தொடர் வெற்றியை பெற்றுள்ள நிலையில் சிம்ரனுடன் நடிக்கும் இந்த படமும் நல்ல வரவேற்பு பெரும் என்று எதிர்பார்க்கப்படுகிறது.