ரஜினி, கமல் படங்களின் 80களின் நாயகி.. மகனுடன் இருக்கும் க்யூட் புகைப்படங்கள்..!
- IndiaGlitz, [Monday,May 01 2023]
சூப்பர் ஸ்டார் ரஜினிகாந்த், உலக நாயகன் கமல்ஹாசன் உட்பட பல பிரபலங்களுடன் நடித்த கடந்த 80களின் நாயகி குடும்ப புகைப்படம் தற்போது இணையதளங்களில் வைரலாகி வருகிறது.
இயக்குனர் இமயம் பாரதிராஜா இயக்கத்தில் உருவான ’புதிய வார்ப்புகள்’ என்ற திரைப்படத்தின் மூலம் திரையுலகில் அறிமுகமானவர் நடிகை ரதி. அதன் பிறகு ’நிறம் மாறாத பூக்கள்’ என்ற படத்தின் மூலம் அவர் பிரபலமானார். உலக நாயகன் கமல்ஹாசன் நடித்த ’உல்லாச பறவைகள்’ சூப்பர் ஸ்டார் ரஜினிகாந்த் நடித்த ’முரட்டுக்காளை’ ’அன்புக்கு நான் அடிமை’ ’கழுகு’ உள்பட ஒரு சில தமிழ் படங்களிலும் ஏராளமான தெலுங்கு மற்றும் இந்தி படங்களிலும் ரதி நடித்துள்ளார்,. திரைப்படங்களில் மட்டுமின்றி ஒரு சில தொலைக்காட்சி தொடர்களிலும் நடிகை ரதி நடித்துள்ளார்.
கடந்த 1985 ஆம் ஆண்டு தொழிலதிபர் அனில் விர்வானி என்பவரை திருமணம் செய்து கொண்ட நிலையில் இந்த தம்பதிக்கு தனுஜ் விர்வானி என்ற மகன் உள்ளார். இந்த நிலையில் நடிகை ரதி தனது மகனுடன் இருக்கும் புகைப்படங்களை தனது சமூக வலைத்தளத்தில் பதிவு செய்துள்ள நிலையில் அந்த புகைப்படங்கள் வைரலாகி வருகின்றன.