రజనీ కబాలి పోస్టర్ వివాదం..
- IndiaGlitz, [Tuesday,June 28 2016]
సూప‌ర్ స్టార్ రజనీకాంత్ న‌టించిన తాజా చిత్రం కబాలి. ఈ చిత్రాన్ని యువ ద‌ర్శ‌కుడు రంజిత్ తెర‌కెక్కించారు. క‌లై పులి ఎస్ థాను ప్ర‌తిష్టాత్మ‌కంగా నిర్మించిన కబాలి చిత్రం త్వ‌ర‌లో ప్రేక్ష‌కుల ముందుకు వ‌చ్చేందుకు రెడీ అవుతుంది. ఇదిలా ఉంటే...రజనీకాంత్ న‌టించిన కబాలి పోస్టర్ వివాద‌స్ప‌దం అవుతుంది. విష‌యం ఏమిటంటే...ఆన్ లైన్ లో కబాలి పోస్టర్ ఒక‌టి రిలీజ్ చేసారు.
ఈ పోస్టర్ ఇర్ఫాన్ ఖాన్ న‌టించిన మ‌దారి చిత్రం పోస్టర్ లాగే ఉంది. ఈ విష‌యం పై బాలీవుడ్ న‌టుడు ఇర్ఫాన్ ఖాన్ స్పందిస్తూ...మా సినిమా మ‌దారి చిన్న సినిమానే అయినా మా సినిమా పోస్టర్ ని కాపీ కొట్టి కబాలి పోస్టర్ కి వాడుకున్నార‌న్నారు. దీనిని పెద్ద విష‌యంగా చూడ‌ద్దు..రజనీ సినిమాతో పాటు మా సినిమాని కూడా ఆద‌రించాలి అన్నారు. అయితే..ఈ వివాదం పై రజనీ అభిమానులు స్పందిస్తూ...ఇది అఫిషియ‌ల్ పోస్టర్ కాదు..అభిమానులు క్రియేట్ చేసిన పోస్టర్ అంటూ క్లారిటీ ఇచ్చారు.