சூப்பர் ஸ்டார் ரஜினிகாந்த் நடிப்பில் இயக்குனர் கார்த்திக் சுப்புராஜ் இயக்கிய 'பேட்ட' திரைப்படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்சன்ஸ் பணிகள் நடந்து வரும் நிலையில் இந்த படத்தின் புதிய போஸ்டர் இன்று மதியம் வெளியாகும் என ஏற்கனவே தகவல்கள் வெளிவந்தன .

இந்த நிலையில் சற்றுமுன் இந்த படத்தின் அட்டகாசமான புதிய போஸ்டர் வெளியானதுடன், இந்த படம் பொங்கலுக்கு வெளியாகும் என்றும் உறுதி செய்யப்பட்டுள்ளது. இந்த போஸ்டரில் ரஜினியும் சிம்ரனும் கையில் மலர் செடி வைத்திருக்கும் காட்சி அனைவரையும் கவர்ந்துள்ளது.

தாதா வேடத்தில் ரஜினிகாந்த் நடிக்கும் இந்த படத்தில் அவருக்கு ஜோடியாக சிம்ரன், த்ரிஷா நடித்து வருகின்றனர். மேலும் இந்த படத்தில் விஜய்சேதுபதி, நவாசுதீன் சித்திக், பாபி சிம்ஹா, மேகா ஆகாஷ், சசிகுமார் உள்ளிட்ட பலர் நடித்து வருகின்றனர். அனிருத் இசையமைத்துள்ள இந்த படத்தை சன் பிக்சர்ஸ் நிறுவனம் தயாரித்துள்ளது .