சூப்பர் ஸ்டார் ரஜினிகாந்த் தற்போது சிறுத்தை சிவா இயக்கத்தில் ’அண்ணாத்த’ என்ற படத்தில் நடித்து வருகிறார் என்பது தெரிந்ததே. இந்த நிலையில் கடந்த சில வாரங்களுக்கு முன்பு அவர் பேரி கிரில்ஸ் இயக்கத்தில் ’மேன் வெர்சஸ் வைல்ட்’ என்ற ஆவணப் படத்தில் நடித்தார்.

கர்நாடக மாநிலத்தில் உள்ள அடர்ந்த காட்டுப் பகுதியில் படமாக்கப்பட்ட இந்த ஆவணப்படம் வரும் 23ஆம் தேதி இரவு 8 மணிக்கு டிஸ்கவரி சேனலில் ஒளிபரப்பாக உள்ளது என்பது குறிப்பிடத்தக்கது.

இந்த நிலையில் இந்த நிகழ்ச்சியின் டீஸர் தற்போது வெளிவந்து இணையத்தில் வைரலாகியுள்ளது ஒரு நிமிடம் ஓடும் இந்த டீஸரில் ரஜினிகாந்தின் பல சாகச காட்சிகள் உள்ளன. குறிப்பாக வாகனம் ஓட்டுவது, தண்ணீரில் மூழ்கி செல்வது, மலை ஏறுவது, புலிகள் மற்றும் காட்டு விலங்குகளுடன் நடமாடுவது ஆகிய த்ரில் காட்சிகள் உள்ளன.

இந்த ஆவணப்படத்தின் டீசரிலேயே த்ரில் காட்சிகள் இருக்கும் நிலையில் முழு ஆவணப்படமும் எவ்வாறு இருக்கும் என்பதை அறிய ரஜினி ரசிகர்கள் உட்பட அனைவரும் மிகுந்த ஆவலுடன் உள்ளனர் என்பது குறிப்பிடத்தக்கது.

Superstar @Rajinikanth’s relentless positivity and never giving up spirit was so visible in the wild as he embraced every challenge thrown at him. Respect! Watch Into The Wild with @BearGrylls on March 23 at 8:00 pm. @DiscoveryIN #ThalaivaOnDiscovery pic.twitter.com/s9PodYGv05

— Bear Grylls (@BearGrylls) March 9, 2020