மலேசியாவில் தென்னிந்திய நட்சத்திர கலைவிழா இன்று நடந்து வரும் நிலையில் நட்சத்திரங்கள் கலந்து கொள்ளும் கிரிக்கெட் போட்டிகளும் இந்த விழாவில் ஒரு பகுதியாக உள்ளது. இந்த நிலையில் நட்சத்திர கிரிக்கெட் அணிகளை அறிமுகம் செய்யும் நிகழ்ச்சியில் ரஜினிகாந்த் கலந்து கொண்டார். அவரிடம் கிரிக்கெட் குறித்த இரண்டு கேள்விகள் கேட்கப்பட்டது.

சின்ன வயதில் கிரிக்கெட் விளையாடும்போது பேட்ஸ்மேனா? பவுலரா? அல்லது ஆல் ரவுண்டரா? என்ற கேள்விக்கு பதிலளித்த ரஜினிகாந்த், தான் சின்ன வயதில் ஃபாஸ்ட் பவுலராக இருந்ததாகவும், பேட்டிங் சுமாராக இருக்கும் என்றும், நல்ல பீல்டர் என்றும் தெரிவித்தார்.

மேலும் தான் ரொம்ப ரசித்த கிரிக்கெட் வீரர் குறித்த கேள்விக்கு சின்ன வயதில் மன்சூர் அலிகான் பட்டோடி பேட்டிங்கை தான் ரசித்ததாக கூறிய ரஜினி, இன்றைய பேட்ஸ்மேன்களில் தனக்கு தோனியை பிடிக்கும் என்றும் ஆல் டைம் ஃபேவரேட் கிரிக்கெட் வீரர் என்றால் அது சச்சின் தான் என்றும் கூறினார்.