యువ స‌మ్రాట్ నాగ చైత‌న్య హీరోగా గౌత‌మ్ మీన‌న్ ద‌ర్శ‌కత్వంలో రూపొందుతున్న చిత్రం సాహ‌సం శ్వాస‌గా సాగిపో. తెలుగు, త‌మిళ్ లో రూపొందుతున్న ఈ క్రేజీ మూవీని తెలుగులో కోన వెంక‌ట్ స‌మ‌ర్ప‌ణ‌లో ర‌వీంద‌ర్ రెడ్డి నిర్మించారు. ఎ.ఆర్.రెహ‌మాన్ సంగీతం అందించిన సాహసం శ్వాస‌గా సాగిపో ఆడియోను ఇటీవ‌ల రిలీజ్ చేసారు. ఇదిలా ఉంటే...సూప‌ర్ స్టార్ ర‌జ‌నీకాంత్ న‌టించిన క‌బాలి చిత్రాన్ని జులై 1న రిలీజ్ చేయాల‌నుకున్నారు. దీంతో సాహసం శ్వాస‌గా సాగిపో జులై 15న రిలీజ్ చేయ‌డానికి ప్లాన్ చేసారు. అయితే...అనుకోకుండా క‌బాలి జులై 1 నుంచి 15కి వాయిదా ప‌డింది. దీంతో సాహ‌సం శ్వాస‌గా సాగిపో చిత్రాన్ని జులై 15న రిలీజ్ చేయ‌లేని ప‌రిస్థ‌తి.

జులై నెలాఖ‌రున రిలీజ్ చేద్దాం అనుకుంటే...జులై 29న వెంక‌టేష్ - మారుతి కాంబినేష‌న్లో రూపొందిన బాబు బంగారం రిలీజ్ అవుతుంది. సాహ‌సం శ్వాస‌గా సాగిపో రిలీజ్ అయితే కానీ..ప్రేమ‌మ్ రిలీజ్ చేయ‌లేరు. ఈ రెండు చిత్రాల‌కు నెల రోజులు గ్యాప్ ఉండాల‌నుకుంటున్నారు. ఆగ‌ష్టు 12న ఎన్టీఆర్ జ‌న‌తా గ్యారేజ్ రిలీజ్ అవుతుంది. అందుచేత సాహ‌సం శ్వాస‌గా సాగిపో, ప్రేమ‌మ్...ఈ రెండు చిత్రాల‌ను ఎప్పుడు రిలీజ్ చేయాలో తెలియ‌క తెగ టెన్ష‌న్ ప‌డుతున్నాడ‌ట చైతు. అయితే...ఆడియో ఫంక్ష‌న్ లో చైతు సాహ‌సం శ్వాస‌గా సాగిపో చిత్రాన్ని జులైలో రిలీజ్ చేయ‌నున్న‌ట్టు ప్ర‌క‌టించాడు. మ‌రి...చైతు చెప్పిన‌ట్టుగా జులైలో సాహ‌సం శ్వాస‌గా సాగిపో ప్రేక్ష‌కుల ముందుకు వ‌స్తుందో...? లేక ఆగ‌ష్టులో ప్రేక్ష‌కుల ముందుకు వ‌స్తుందో చూడాలి.