தமிழகம் முழுவதிலும் உள்ள பொதுமக்கள் வெள்ளம் காரணமாக கடும் அவதியில் இருக்கும் நிலையில் தன்னுடைய பிறந்த நாள் கொண்டாட்டத்தை ரத்து செய்வதாக சூப்பர் ஸ்டார் ரஜினிகாந்த் அறிவித்துள்ளார்.

ரஜினிகாந்தின் பிறந்த நாளை அவரது ரசிகர்கள் ஒவ்வொரு ஆண்டும் டிசம்பர் 12ஆம் தேதி மிகச்சிறப்பாக கொண்டாடுவதுண்டு. இந்நிலையில் வரும் 12ஆம் தேதியும் ரஜினியின் பிறந்த நாளை சிறப்பாக கொண்டாட திட்டமிட்டிருந்த நிலையில், தமிழகம் முழுவதும் மழை, மற்றும் வெள்ளத்தால் பெரும்பாலான மக்கள் கடும் அவதியில் இருப்பதால் தன்னுடைய ரசிகர்கள் தனது பிறந்தநாள் கொண்டாட்டங்களை ரத்து செய்துவிட்டு வெள்ள நிவாரண பணியினை செய்யுமாறு கேட்டுக்கொண்டுள்ளார்.

இதன்படி தமிழகம் முழுவதும் உள்ள ரஜினிகாந்த் ரசிகர்கள் பிறந்தநாள் விழா கொண்டாட்டங்களுக்கான ஏற்பாடுகளை ரத்து செய்துவிட்டு வெள்ளத்தால் பாதிக்கப்பட்டவர்களுக்கு உதவும் பணிகளில் இறங்கி உள்ளதாக தகவல்கள் கூறுகின்றன.