ஜெ. வீடியோ வெளியீடு தேர்தல் விதிமீறல்: ராஜேஷ் லக்கானி
- IndiaGlitz, [Wednesday,December 20 2017]
முன்னாள் முதல்வர் ஜெயலலிதா அப்பல்லோவில் சிகிச்சை பெற்றபோது எடுக்கப்பட்ட 20 வினாடி வீடியோ ஒன்றை சற்றுமுன்னர் தினகரன் ஆதரவாளர் வெற்றிவேல் வெளியிட்டு பெரும் பரபரப்பை ஏற்படுத்திய நிலையில் நாளை தேர்தல் நடைபெறவுள்ள நிலையில் இன்று இந்த வீடியோவை வெளியிட்டது சர்ச்சைக்குரியதாக கருதப்படுகிறது.
இந்த நிலையில் ஆர்.கே.நகர் இடைத்தேர்தல் நடைபெறும் நேரத்தில் ஜெயலலிதா சிகிச்சை பெறும் வீடியோவை வெளியிட்டது தேர்தல் விதிமீறல் என்று தமிழக தேர்தல் அதிகாரி ராஜேஷ் லக்கானி தனியார் செய்திச்சேனல் ஒன்றுக்கு அளித்த பேட்டியில் தெரிவித்துள்ளார். ஒரு கட்சியின் தலைவராக இருந்தவர் பற்றிய வீடியோ தேர்தல் பிரசாரமாகவே கருதப்படும் எனவும் அவர் தெரிவித்துள்ளார்.
தேர்தல் விதிமுறைகளை மீறியுள்ளதால் தினகரன் தரப்பினர் மீது தேர்தல் கமிஷன் என்ன நடவடிக்கை எடுக்க போகிறது என்பதை பொறுத்திருந்து பார்ப்போம்