రాజశేఖర్ మూవీ ఫస్ట్ లుక్ డేట్...
- IndiaGlitz, [Wednesday,February 01 2017]
పోలీస్‌, సి.బి.ఐ పాత్ర‌ల‌కు హీరో డా.రాజశేఖర్ పెట్టింది పేరు. అంకుశం, అగ్ర‌హం, మ‌గాడు స‌హా ప‌లు పోలీసు క్యారెక్ట‌ర్స్‌లో రాజశేఖర్ మెప్పించారు. ఇప్పుడు ప్ర‌వీణ్ స‌త్తార్ ద‌ర్శ‌క‌త్వంలో రాజశేఖర్ హీరోగా ఓ సినిమా రూపొందుతోన్న సంగ‌తి తెలిసిందే. ఈ సినిమాలో కూడా రాజశేఖర్ ఇన్విస్టిగేష‌న్ ఆఫీస‌ర్‌గానే క‌న‌ప‌డ‌బోతున్నాడ‌ట. ఈ సినిమాకు 'గ‌రుడ వేగ' అనే టైటిల్ ప‌రిశీల‌న‌లో ఉంది. ఓ ఇన్విస్టిగేష‌న్ ఆఫీస‌ర్ జీవితంలో అనుకోకుండా స‌మ‌స్య‌లు ఎదురైతే వాటి నుండి త‌నెలా భ‌య‌ప‌డ్డాడు, ప్ర‌జ‌ల‌నే ర‌క్షించాడ‌నేదే క‌థాంశమ‌ట. ఈ సినిమాలో పూజాకుమార్ హీరోయిన్‌గా న‌టిస్తుంది. ఈ సినిమా ఫ‌స్ట్‌లుక్‌ను రాజశేఖర్ పుట్టిన‌రోజు సంద‌ర్భంగా ఫిబ్ర‌వ‌రి 4న విడుద‌ల చేస్తున్నార‌ని వార్త‌లు విన‌ప‌డుతున్నాయి.