విలన్ గా రాజశేఖర్....
- IndiaGlitz, [Friday,June 17 2016]
హీరోగా ప‌లు తెలుగు చిత్రాల్లో నటించిన రాజశేఖర్ గ‌డ్డం గ్యాంగ్ తర్వాత ఖాళీ అయిపోయాడు. రామ్‌గోపాల్ వ‌ర్మ సినిమా ఆగిపోయింది. అలాగే తేజ సినిమాలో ముందు విల‌న్‌గా ఎంపికైన రాజ‌శేఖ‌ర్‌ను తర్వాత ఎందుక‌నో ప‌క్క‌కు పెట్టారు. తాను హీరోయే కాదు, విలన్ వేషాలు వేయ‌డానికి కూడా సిద్ధ‌మే అని ప్ర‌క‌టించినా రాజ‌శేఖ‌ర్‌కు అవ‌కాశాలు రాలేదు. అయితే ఎట్ట‌కేల‌కు శ్రీవాస్ రాజ‌శేఖ‌ర్‌ను విల‌న్‌గా చూపించే ప్ర‌య‌త్నం చేస్తున్నాడు. ల‌క్ష్యం, లౌక్యంతో రెండు స‌క్సెస్‌లు సాధించిన గోపీచంద్‌, శ్రీవాస్ జోడి మూడో విజ‌యం కోసం మ‌రోసారి జ‌త క‌డుతుంది. ఈ చిత్రంలో విల‌న్‌గా రాజ‌శేఖ‌ర్‌ను ఎంచుకున్నార‌ని సమాచారం. ప్ర‌స్తుతం ప్రీ ప్రొడ‌క్ష‌న్ ప‌నులు జ‌రుగుతున్నాయి. త్వ‌ర‌లోనే సినిమా సెట్స్‌లోకి వెళుతుంద‌ని సమాచారం.