தமிழகத்தில் நாளுக்கு நாள் கொரோனா வைரஸ் பாதிப்பு அதிகரித்து கொண்டே வருகிறது என்பதும் சென்னை மட்டுமின்றி பிற மாவட்டங்களில் கொரோனா வைரஸ் பாதிப்பு கடந்த சில நாட்களாக அதிகமாகி வருகிறது என்பதையும் பார்த்து வருகிறோம்

இந்த நிலையில் பொதுமக்கள் மட்டுமின்றி அமைச்சர்கள், எம்எல்ஏக்கள் போன்ற பதவிகளில் இருப்பவர்களும் கொரோனா வைரஸால் பாதிக்கப்பட்டு வருகின்றனர். ஏற்கனவே அமைச்சர்கள் உள்பட 16 எம்எல்ஏக்களுக்கு கொரோனா வைரஸ் தொற்று பாதிக்கப்பட்டு உள்ளது என்பதும் அவர்கள் தற்போது சிகிச்சைகள் உள்ளனர் என்பதும் தெரிந்ததே

இந்த நிலையில் சற்று முன் வெளியான தகவலின்படி மேலும் ஒரு திமுக எம்எல்ஏவுக்கு கொரோனா வைரஸ் உறுதி செய்யப்பட்டுள்ளது. ராஜபாளையம் திமுக எம்எல்ஏ தங்க பாண்டியன் அவர்களுக்கு கடந்த சில நாட்களாக கொரோனா வைரஸ் அறிகுறி இருந்தது. இதனை அடுத்து அவருக்கு பரிசோதனை செய்ததில் கொரோனா வைரஸ் தொற்று உறுதி செய்யப்பட்டுள்ளது என்பது குறிப்பிடத்தக்கது

ராஜபாளையம் திமுக எம்எல்ஏ தங்கபாண்டியன் அவர்களையும் சேர்த்து தமிழகத்தில் இதுவரை மொத்தம் அமைச்சர்கள் உள்பட 17 எம்எல்ஏக்களுக்கு கொரோனா தொற்று பரவி உள்ளது என்பது குறிப்பிடத்தக்கது