ద‌ర్శ‌క‌ధీరుడు ఎస్‌.ఎస్‌.రాజ‌మౌళి ‘ఆర్ఆర్ఆర్‌’ సిినిమాపై భారీ అంచనాలున్నాయి. బాహుబలి తర్వాత రాజమౌళి తెరకెక్కిస్తోన్న చిత్రం కావడంతో అందరూ సినిమా కోసం ఆస‌క్తిగా ఎదురుచూస్తున్నారు. అంతే కాకుండా టాలీవుడ్ టాప్ హీరోలైన ఎన్టీఆర్‌, రామ్‌చ‌ర‌ణ్ క‌థానాయ‌కులుగా.. బాలీవుడ్‌, హాలీవుడ్ తార‌లంతా న‌టిస్తున్నారు. రాజ‌మౌళి సినిమా అంటే మ‌రే చిత్ర‌మూ దానికి పోటీ ఉండ‌క‌పోవ‌చ్చున‌ని అంద‌రూ అనుకున్నారు. కానీ సంక్రాంతి సీజ‌న్‌ను దృష్టిలో పెట్టుకుని మ‌రోస్టార్ హీరో ‘ఆర్ఆర్ఆర్‌’తో పోటీ ప‌డ‌బోతున్నాడ‌ట‌. ఆ హీరో ఎవ‌రో కాదు.. ప‌వ‌ర్‌స్టార్ ప‌వ‌న్‌క‌ల్యాణ్‌.

ప‌వ‌న్‌, క్రిష్ కాంబినేష‌న్‌లో ఓ సినిమా రూపొంద‌నున్న సంగ‌తి తెలిసిందే. పీరియాడిక‌ల్ డ్రామాగా తెర‌కెక్కుతోన్న ఈ సినిమా మార్చి నుండి చిత్రీక‌ర‌ణ‌ను జ‌రుపుకోనుంది. ఈ సినిమాను ఈ ఏడాది చివ‌ర్లో విడుద‌ల చేస్తార‌ని ముందుగా అనుకున్నారు. కానీ.. లేటెస్ట్ సినీ వ‌ర్గాల స‌మాచారం మేర‌కు 2021 సంక్రాంతికే ప‌వ‌న్ 27వ చిత్రాన్ని విడుదల చేయాల‌ని నిర్మాత ఎ.ఎం.ర‌త్నం ఆలోచిస్తున్నాడ‌ట‌. అయితే ఈ వార్త‌ల్లో నిజా నిజాలు తెలియాలంటే వేచి చూడ‌క త‌ప్ప‌దు.

‘ఆర్ఆర్ఆర్‌’ జ‌వ‌న‌రి 8న విడుద‌ల‌వుతుంది. ఒక‌వేళ ప‌వ‌న్ సినిమా విడుద‌లైతే వారం గ్యాప్ త‌ర్వాత అంటే క‌రెక్ట్‌గా సంక్రాంతికి ప్రేక్ష‌కుల ముందుకు వ‌స్తుందన్న‌మాట‌.