அடுத்த படம் குறித்து ராஜமெளலியின் அதிகாரபூர்வ அறிவிப்பு
- IndiaGlitz, [Thursday,March 22 2018]
பாகுபலி, பாகுபலி 2 என இரண்டு சர்வதேச சூப்பர் ஹிட் படங்களை இயக்கிய ராஜமெளலியின் அடுத்த படத்தின் அறிவிப்புக்காக அவரது ரசிகர்கள் பல மாதங்களாக காத்திருந்த நிலையில் தற்போது ஒரு சிறு வீடியோ மூலம் தனது அடுத்த படம் குறித்த தகவல்களை ராஜமெளலி தெரிவித்துள்ளார்.
ஏற்கனவே வெளிவந்த தகவலின்படி இந்த படத்தில் ராம்சரண்தேஜா மற்றும் ஜூனியர் என்.டி.ஆர் நடிப்பதை உறுதி செய்துள்ள ராஜமெளலி இந்த படத்தில் மேலும் பல தமிழ், தெலுங்கு மற்றும் இந்தி திரையுலகை சேர்ந்த பல பிரபலங்கள் நடிக்கவுள்ளதாக தெரிவித்துள்ளார். இன்னும் டைட்டில் வைக்கப்படாத இந்த படத்தை டிவிவி எண்டர்டெயின்மெண்ட் நிறுவனம் தயாரிக்கவுள்ளது.
தற்போதைக்கு இந்த படம் #RRR என்று அழைக்கப்படும் என்றும், இது இரண்டு ஹீரோக்கள் மற்றும் இயக்குனரின் முதல் எழுத்துக்கள் என்றும் இந்த படத்தின் டைட்டில் அல்ல என்றும் கூறப்பட்டுள்ளது. இந்த படம் குறித்த மேலும் பல தகவல்கள் விரைவில் வெளிவரும் என்று எதிர்பார்க்கப்படுகிறது.