'பாகுபலி 2' படத்தின் 4 நாள் தமிழக வசூல் எவ்வளவு தெரியுமா?
- IndiaGlitz, [Tuesday,May 02 2017]
பிரமாண்ட இயக்குனர் எஸ்.எஸ்.ராஜமெளலியின் 'பாகுபலி 2' திரைப்படம் கடந்த வெள்ளியன்று உலகம் முழுவதும் சுமார் 9000 திரையரங்குகளில் வெளியானது. வார இறுதி விடுமுறை மட்டுமின்றி மே 1ஆம் தேதி தொழிலாளர்கள் தினத்தன்றும் உலகம் முழுவதும் விடுமுறை என்பதால் இந்த படத்திற்கு கூடுதலான ஒரு விடுமுறை நாள் இயற்கையாகவே அமைந்துவிட்டது.
உலகம் முழுவதும் இந்த படம் கடந்த 4 நாட்களில் ரூ.500 கோடி வசூலை நெருங்கிவிட்ட நிலையில் தமிழகத்தில் இந்த படம் ரூ.43 கோடி வசூல் செய்துள்ளது. சென்னையில் ரு.4.27 கோடியும், செங்கல்பட்டு பகுதியில் ரூ.9.8 கோடியும், கோவையில் ரூ.6.4 கோடியும், நெல்லை-குமரியில் ரூ.2.65 கோடியும் இந்த படம் வசூல் செய்துள்ளது என்பது குறிப்பிடத்தக்கது.
இன்றைய வேலை நாளிலும் பெரும்பாலான திரையரங்குகள் பார்வையாளர்களால் நிரம்பியுள்ளதாக தகவல்கள் வெளிவந்துள்ளதால் இந்த படத்தின் மொத்த வசூல் புதிய சரித்திரம் படைக்கும் என கருதப்படுகிறது.