'ఆర్ఆర్ఆర్' రిలీజ్ డేట్‌పై రాజ‌మౌళి సందేహం?
- IndiaGlitz, [Saturday,April 18 2020]
ద‌ర్శ‌క‌ధీరుడు రాజ‌మౌళి, యంగ్ టైగ‌ర్ ఎన్టీఆర్, మెగాప‌వ‌ర్ స్టార్ రామ్‌చ‌ర‌ణ్ కాంబినేష‌న్‌లో రూపొందుతోన్న ప్రెస్టీజియ‌స్ చిత్రం ‘రౌద్రం ర‌ణం రుధిరం’(ఆర్ఆర్ఆర్). ఇందులో మ‌న్యం వీరుడు అల్లూరి సీతారామ‌రాజు పాత్రలో మెగాప‌వ‌ర్‌స్టార్ రామ్‌చ‌ర‌ణ్.. గోండు వీరుడు కొమురంభీమ్ పాత్రలో యంగ్ టైగ‌ర్ ఎన్టీఆర్ నటిస్తోన్న సంగ‌తి తెలిసిందే. రెండు నిజమైన చారిత్ర‌క పాత్రల క‌ల్పిత‌గాథే ఈ చిత్రం. రూ.400 కోట్ల‌తో డి.వి.వి.దానయ్య నిర్మిస్తోన్న ఈ చిత్రంలో ఎన్టీఆర్ జోడీగా బ్రిటీష్ భామ ఒలివియా మోరిస్ న‌టిస్తుండ‌గా రామ్‌చ‌ర‌ణ్ జోడీగా బాలీవుడ్ బ్యూటీ ఆలియా భ‌ట్ న‌టిస్తోంది.
ఈ సినిమాను 2020లో జూలై 30న విడుద‌ల చేయాల‌నుకున్నారు. అయితే మేకింగ్‌లో ప‌ర్‌ఫెక్ష‌న్ కోసం వచ్చే ఏడాది సంక్రాంతి కానుక‌గా జ‌న‌వ‌రి 8న విడుద‌ల చేస్తామ‌ని ప్ర‌క‌టించారు. అయితే కరోనా ప్ర‌భావంతో ఇప్పుడు షూటింగ్ ఆగింది. లాక్‌డౌన్ కొన‌సాగుతూనే ఉంది. దీంతో రిలీజ్ డేట్‌పై రాజ‌మౌళి సందేహాన్ని వ్య‌క్తం చేశారు. ఇప్పుడు సినిమా వచ్చే ఏడాది సంక్రాంతి 8న విడుద‌ల కావ‌డం డౌటేన‌న్నారు. త‌దుప‌రి రిలీజ్ డేట్ ఇప్పుడే చెప్ప‌లేన‌ని కూడా ఆయ‌న చెప్పేశారు. దీంతో ఆర్ఆర్ఆర్ విడుద‌ల మ‌రోసారి వాయిదా ప‌డ‌ట్టే.