నాన్నతప్పులు వెదకడానికి ఎదురుచూస్తున్నాను - రాజమౌళి
- IndiaGlitz, [Tuesday,January 24 2017]
సెన్సేష‌న‌ల్ రైట‌ర్ విజ‌యేంద్ర‌ప్ర‌సాద్ తెర‌కెక్కించిన చిత్రం శ్రీవ‌ల్లీ. ఈ చిత్రంలో ర‌జ‌త్, నేహా జంట‌గా న‌టించారు. సునీత, రాజ్ కుమార్ ఈ చిత్రాన్ని నిర్మించారు. యం.యం.శ్రీలేఖ సంగీతం అందించారు. త్వ‌ర‌లో ప్రేక్ష‌కుల ముందుకు రానున్న శ్రీవ‌ల్లీ ఆడియోను ద‌ర్శ‌క‌ధీరుడు రాజమౌళి ఆవిష్క‌రించారు. కొర‌టాల శివ థియేట్రిక‌ల్ ట్రైల‌ర్ ను రిలీజ్ చేసారు.
ఈ సంద‌ర్భంగా రాజమౌళి మాట్లాడుతూ... నాన్న‌గారిని చూసి గ‌ర్వ‌ప‌డిన క్ష‌ణాలు చాలా ఉన్నాయి. జాన‌కిరాముడు సినిమాకి ర‌చ‌యిత‌గా తొలిసారి తెర పై నాన్న, పెద‌నాన్న శివ‌శ‌క్తి పేర్లు ప‌డిన‌ప్పుడు సితార‌లో పేర్లుని చూసుకుని ఆ ప‌త్రిక‌ని దేవుడి గుడి ద‌గ్గ‌ర పెట్టి పూజ చేసాం. నాన్న‌గారిని చూసి గ‌ర్వ‌ప‌డిన క్ష‌ణాలు చాలా ఉన్నాయి. ఈ సినిమా విజ‌య‌వంతం అయితే ఇప్ప‌టి వ‌ర‌కు గ‌ర్వ‌ప‌డిన క్ష‌ణాల కంటే ఎక్కువ గ‌ర్వంగా ఉంటుంది. నేను సినిమా తీస్తే అందులో త‌ప్పులు వెదుకుతుంటారు. ఇప్పుడు నాన్న గారు తీసిన సినిమాలో త‌ప్పులు వెదకడానికి ఎదురు చూస్తున్నాను అన్నారు.