పాత జ్ఞాప‌కాల నెమ‌రేసుకున్న రాజ‌మౌళి, ఎన్టీఆర్
- IndiaGlitz, [Friday,September 27 2019]
ఆల్ ఇండియా డైరెక్టర్ రాజ‌మౌళి, యంగ్ టైగ‌ర్ ఎన్టీఆర్ ఈరోజు త‌మ పాత జ్ఞాప‌కాల‌ను నెమ‌రేసుకున్నారు. మ‌రి ఈరోజు అంత స్పెష‌లేంటనే వివారాల్లోకెళ్తే..ఈ రోజు సెప్టెంబ‌ర్ 27. ఈరోజు రాజ‌మౌళి డెబ్యూ డెరెక్ష‌న్ మూవీ స్టూడెంట్ నెంబర్ 1 విడుద‌లైన‌రోజుది. ఈ సినిమాలో హీరోగా యంగ్ టైగ‌ర్ ఎన్టీఆర్ న‌టించారు. ఈ సినిమాతో హీరోగా ఎన్టీఆర్ తొలి విజయాన్ని సొంతం చేసుకున్నారు. ఈ సినిమా విడుద‌లైన 18 సంవ‌త్స‌రాలకు వీరిద్ద‌రూ క‌లిసి ఓ సినిమా చేస్తుండ‌టం విశేషం. ఇది యాదృచ్చికంగానే జ‌రిగిన‌ప్ప‌టికీ ఈ స్టార్ డైరెక్టర్, హీరో త‌మ మ‌ధుర స్మృతుల‌ను నెమ‌రువేసుకున్నారు.
''యాదృచ్చికంగా జరిగినా 18 ఏళ్ల మేం రామోజీ ఫిలింసిటీలో షూటింగ్ చేశాం. ఫొటోను స‌న్నివేశంతో చిత్రీక‌రణ‌ను పూర్తి చేశాం. ఈ మ‌ధ్య కాలంలో చాలా మారింది. అయితే జ‌క్క‌న్న‌తో ప‌నిచేసే ప‌న్ మాత్రం మార‌లేదు'' అంటూ ఎన్టీఆర్ మెసేజ్‌ను పోస్ట్ చేశారు.
''18 ఏళ్ల ముందు స్టూడెంట్ నెంబర్ 1 నేడు విడుద‌లైంది. యాదృచ్చిక‌మైనా, మ‌ళ్లీ ఈరోజు మేం రామోజీ ఫిలింసిటీలోనే ఉన్నాం. చాలా మార్పు జ‌రిగింది. త‌ను స‌న్న‌బ‌డ్డాడు. నాకు వ‌య‌సైంది'' అంటూ రాజ‌మౌళి ఓ ఫొటోతో పాటు మెసేజ్‌ను పోస్ట్ చేశారు.
ప్రస్తుతం ఎన్టీఆర్, రామ్‌చ‌ర‌ణ్ కాంబినేష‌న్‌లో రాజ‌మౌళి ఆర్.ఆర్. ఆర్ సినిమాను తెర‌కెక్కిస్తున్నాడు. భారీ బ‌డ్జెట్‌తో రూపొందుతోన్న ఫాంట‌సీ మూవీ ఇది.