సూప‌ర్‌స్టార్ మ‌హేశ్ అభిమానుల‌ను చాలా రోజులుగా వేధిస్తోన్న ప్ర‌శ్న‌.. త‌మ అభిమాన హీరోతో ఆల్ ఇండియా డైరెక్ట‌ర్ ఎస్‌.ఎస్‌.రాజ‌మౌళి సినిమా ఎప్పుడు చేస్తాడు? అని. బాహుబ‌లి స‌మ‌యంలో కె.ఎల్‌.నారాయ‌ణ నిర్మాణంలో మ‌హేశ్‌తో సినిమా చేస్తాన‌ని రాజ‌మౌళి చెప్ప‌డంతో మ‌హేశ్ అభిమానుల ఆనందానికి అవ‌ధులు లేకుండా పోయాయి.

అయితే జ‌క‌న్న బాహుబ‌లి త‌ర్వాత ఆర్ఆర్ఆర్ సినిమాకు క‌మిట్ అయ్యాడు. ఈ సినిమా అటు ఇటుగా పూర్తి కావ‌డానికి మూడేళ్ల ప‌డుతుంది. దీంతో మ‌హేశ్ అభిమానుల్లో అస‌లు త‌మ హీరోతో జ‌క్క‌న్న ప్రాజెక్ట్ ఉంటుందా? లేదా? అనే ప్ర‌శ్న మొద‌లైంది. అయితే మ‌హేశ్ అభిమానులకు నిరీక్ష‌ణ ఎట్ట‌కేల‌కు ఫ‌లించింది. రీసెంట్ ఇంట‌ర్వ్యూలో రాజ‌మౌళి క్లారిటీ ఇచ్చేశారు. ఆర్ఆర్ఆర్ త‌ర్వాత మ‌హేశ్ సినిమానే తెర‌కెక్కిస్తాన‌న్నారు.

తండ్రి విజ‌యేంద్ర ప్ర‌సాద్‌, కీర‌వాణితో క‌లిసి త‌దుప‌రి సినిమాకు సంబంధించిన ఎలాంటి సినిమా చేయాల‌ని క్వారంటైన్ టైమ్‌లో డిస్క‌ష‌న్స్ చేసుకుని అందుకు త‌గిన‌ట్లు లైన్స్‌ను ప్రిపేర్ చేసుకుంటున్నార‌ట‌. ఆర్ఆర్ఆర్ రిలీజ్ త‌ర్వాత ఈ సినిమాకు సంబంధించిన మ‌రిన్ని వివ‌రాలు తెలిసే అవ‌కాశం ఉంది.