టాలీవుడ్ మోస్ట్ ప్రెస్టీజియ‌స్ ప్రాజెక్ట్ `ఆర్ ఆర్ ఆర్‌`. ద‌ర్శ‌క ధీరుడు రాజ‌మౌళి తెర‌కెక్కిస్తోన్న ఈ చిత్రం కొమురం భీమ్‌, అల్లూరి సీతారామరాజుల‌కు సంబంధించిన క‌ల్పిత‌గాథ‌. 1920కి చెందిన ఈ పోరాట యోధులు చ‌రిత్ర‌లో ఎప్పుడూ క‌లుసుకోలేదు. అయితే వీరిద్ద‌రూ క‌లుసుకుని ఒక‌రికొక‌రు ఇన్‌స్పిరేష‌న్‌గా నిలిచి ఉంటే ఎలా ఉంటుంద‌నే క‌ల్పిత‌గాథ‌ను ఆధారంగా చేసుకుని ఈ సినిమాను తెర‌కెక్కిస్తున్నాడు జ‌క్క‌న్న. యంగ్ టైగ‌ర్ ఎన్టీఆర్ కొమురం భీమ్‌గా న‌టిస్తుంటే మెగాప‌వ‌ర్ స్టార్ రామ్‌చ‌ర‌ణ్ అల్లూరి సీతారామరాజు పాత్ర‌లో న‌టిస్తున్నాడు.

డి.వి.వి.ఎంట‌ర్‌టైన్మెంట్స్ బ్యాన‌ర్‌పై డి.వి.వి.దాన‌య్య రూ.350 కోట్ల సినిమాను నిర్మిస్తున్నాడు. ఇప్ప‌టి వ‌ర‌కు డెబ్బై శాతం చిత్రీక‌ర‌ణ పూర్తి చేసుకున్న ఈ సినిమా ప్ర‌స్తుతం శ‌ర వేగంగా చిత్రీక‌ర‌ణ‌ను జ‌రుపుకుంటోంది. వ‌చ్చే ఏడాది జూలై 30న విడుద‌ల అని అన్నారు కానీ.. రీసెంట్‌గా విడుద‌ల చేసిన అధికారిక ప్రెస్‌నోట్‌లో రిలీజ్ డేట్ గురించి ఎక్క‌డాద ప్ర‌స్తావించ‌లేదు. కాగా.. లేటెస్ట్ స‌మాచారం ఈ చిత్రంలో పాట‌ల చిత్రీక‌ర‌ణు రాజ‌మౌళి ప్లాన్ చేస్తున్నాడ‌ట‌. అందులో ఓ సాంగ్ ఎన్టీఆర్‌, చ‌ర‌ణ్‌ల‌పై ఉంటుంది. అలాగే మ‌రో రొమాంటిక్ సాంగ్ రామ్‌చ‌ర‌ణ్‌, ఆలియా భ‌ట్‌ల‌పై ప్లాన్ చేస్తున్నాడ‌ట‌. ఎన్టీఆర్ స‌ర‌స‌న బ్రిటీష్ భామ ఓలివియా మోరిస్ హీరోయిన్‌గా న‌టిస్తుంది. త్వ‌ర‌లోనే మ‌రిన్ని వివ‌రాలు తెలియ‌నున్నాయి. అజ‌య్ దేవ‌గ‌ణ్, స‌ముద్ర‌ఖ‌ని కీల‌క‌పాత్ర‌ల్లో న‌టిస్తున్నారు.