ప్ర‌స్తుతం ఇండియ‌న్ సినిమాల్లో మోస్ట్ వాంటెడ్ ద‌ర్శ‌కుడు ఎస్‌.ఎస్‌.రాజమౌళి. ఈయ‌న ద‌ర్శ‌క‌త్వంలో రూపొందుతోన్న చిత్రం `RRR`.ఈ సినిమాను 2020 జూలై 30న విడుద‌ల చేస్తామ‌ని అధికారికంగా ప్ర‌క‌టించారు. అలాగే సినిమా ఇప్ప‌టికే 70 శాతం చిత్రీక‌ర‌ణ పూర్తి చేసుకుందని తెలిపారు. అయితే త‌ర్వాత అధికారిక ప్ర‌క‌ట‌న‌లో మాత్రం విడుద‌ల తేదీపై స్ప‌ష్ట‌త ఇవ్వ‌లేదు. రీసెంట్‌గా జ‌రిగిన `మ‌త్తు వ‌ద‌ల‌రా` ప్రెస్‌మీట్‌లో పాల్గొన్న రాజ‌మౌళిని `RRR` విడుద‌ల‌పై సుమ ప్ర‌శ్నించింది. దీనిపై ఆయ‌న స్పందిస్తూ ``వీళ్లు మూడు సంత్స‌రాలు సినిమా తీస్తే(మ‌త్తు వ‌ద‌ల‌రా టీమ్‌ను ఉద్దేశించి) త‌ప్పులేదు కానీ.. నేను చేయ‌కూడ‌దా`` అని న‌వ్వుతూ! బ‌దులిచ్చాడు రాజ‌మౌళి. మీ టైటిల్‌లో మూడు ఆర్ లు ఉన్నాయి కాబ‌ట్టి మూడేళ్లు అయినా త‌ప్పులేదండి అంటూ సుమ చ‌మ‌త్క‌రించింది.

రాజమౌళి ద‌ర్శ‌క‌త్వంలో యంగ్‌టైగ‌ర్ ఎన్టీఆర్‌, మెగాప‌వ‌ర్‌స్టార్ రామ్‌చ‌ర‌ణ్‌, అలియా భ‌ట్‌, అజ‌య్ దేవ‌గ‌ణ్‌, ఒలివియా మోరిస్ త‌దిత‌రులు న‌టిస్తున్నారు. అల్లూరి సీతారామ‌రాజు, కొమురం భీమ్ జీవితాల‌కు సంబంధించిన క‌ల్పిక‌గాథ‌తో ఈ సినిమాను తెర‌కెక్కించారు. రూ.400 కోట్ల భారీ బ‌డ్జెట్‌తో డి.వి.వి.దాన‌య్య ఈ సినిమాను నిర్మిస్తున్నాడు. బాహుబ‌లి త‌ర్వాత రాజ‌మౌళి ద‌ర్శక‌త్వంలో రూపొందుతోన్న చిత్రం కావ‌డంతో సినిమాపై భారీ అంచ‌నాలు నెల‌కొన్నాయి. ఈ సినిమాను 10 భాష‌ల్లో విడుద‌ల చేయ‌డానికి స‌న్నాహాలు చేస్తున్నారు.