యంగ్ టైగ‌ర్ ఎన్టీఆర్ కొమురం భీమ్ పాత్రలో న‌టిస్తోన్న చిత్రం ‘రౌద్రం ర‌ణం రుధిరం(ఆర్ఆర్ఆర్‌)’. దర్శకధీరుడు ఎస్‌.ఎస్‌.రాజ‌మౌళి ద‌ర్శ‌క‌త్వంలో తెర‌కెక్కుతోన్న ఈ చిత్రంలో మెగాప‌వ‌ర్‌స్టార్ రామ్‌చ‌ర‌ణ్ అల్లూరి సీతారామ‌రాజు పాత్ర‌లో న‌టిస్తున్నారు. ఇటీవ‌ల రామ్‌చ‌ర‌ణ్ పుట్టిన‌రోజు సంద‌ర్భంగా భీమ్ ఫ‌ర్ రామ‌రాజు అంటూ చ‌ర‌ణ్ పాత్ర‌కు సంబంధించి వీడియో ప్రోమోను విడుద‌ల చేశారు. ఐదు భాష‌ల్లో మ‌ల‌యాళం త‌ప్ప అన్నీ భాష‌ల్లో ఈ వీడియో ప్రోమోలో చ‌ర‌ణ్ పాత్ర‌కు తార‌క్ వాయిస్ ఓవ‌ర్ అందించారు. తార‌క్ వాయిస్ ఓవ‌ర్‌కు సూప‌ర్బ్ రెస్పాన్స్ వ‌చ్చింది.

ఇప్పుడు ఎన్టీఆర్ వంతుగా మే 20న రామ‌రాజు ఫ‌ర్ భీమ్ వీడియో ప్రోమో విడుద‌ల‌వుతుంద‌ని ఫ్యాన్స్ ఆస‌క్తిగా ఎదురు చూస్తున్నారు. రాజ‌మౌళి అండ్ టీం కూడా వీడియో ప్రోమో డైలాగ్స్ స‌హా అన్నీ సిద్ధం చేసుకున్నారు. అయితే కొంత షూటింగ్ చేసుకోవాల్సి ఉంది. అయితే ప్ర‌స్తుతం లాక్‌డౌన్ దృష్ట్యా షూటింగ్ జ‌రుపుకోలేక‌పోవ‌డం. ఉన్న మెటీరియ‌ల్ అంతా ఆఫీసుల్లోనే నిక్షిప్త‌మై ఉండ‌టం వారిని కంగారు పెడుతుంది. అయితే ఎవ‌రి కోస‌మో, ఏదో చేసేయాల‌నో తాను ప్రొడ‌క్ట్ క్వాలిటీలో కాంప్ర‌మైజ్ కాన‌ని, అంతా త‌న‌కు సంతృప్తిక‌రంగా అనిపించిన‌ప్పుడే రామ‌రాజు ఫ‌ర్ భీమ్ విడుద‌ల చేస్తాన‌ని రాజ‌మౌళి క్లారిటీ ఇచ్చేశారు. ఇప్పుడు మే త‌ర్వాత లాక్ డౌన్ కొన‌సాగితే ఎన్టీఆర్ త‌న ఫ్యాన్స్‌కు ఆర్ఆర్ఆర్ ట్రీట్ ఇవ్వ‌డం క‌ష్ట‌మేన‌నిపిస్తోంది.