ఎన్టీఆర్ లుక్‌పై ద‌ర్శ‌క‌ధీరుడి క్లారిటీ!!
- IndiaGlitz, [Monday,August 24 2020]
యంగ్ టైగ‌ర్ ఎన్టీఆర్, మెగాప‌వ‌ర్‌స్టార్ రామ్‌చ‌ర‌ణ్ కాంబినేష‌న్‌లో రాజ‌మౌళి తెర‌కెక్కిస్తోన్న ప్రెస్టీజియ‌స్ చిత్రం ‘రౌద్రం ర‌ణం రుధిరం(ఆర్ఆర్ఆర్)’. ఇప్ప‌టికే ఈ సినిమాలో రామ్‌చ‌ర‌ణ్ పోషిస్తున్న మ‌న్యం వీరుడు అల్లూరి సీతారామ‌రాజుకి సంబంధించిన లుక్ విడుద‌లైంది. ఇక ఎన్టీఆర్ పోషిస్తున్న తెలంగాణ పోరాట యోధుడు కొమురం భీమ్‌కు సంబంధించిన లుక్ విడుద‌ల కావాల్సి ఉంది. చెర్రీ ఫ్యాన్స్‌కు గిఫ్ట్ ఇచ్చిన జ‌క్క‌న్న, త‌మ‌కు ఎలాంటి గిఫ్ట్ ఇస్తారోన‌ని తార‌క్ ఫ్యాన్స్ ఆస‌క్తిగా ఎదురుచూస్తున్నారు. ఈ విష‌యంపై తాజా ఇంట‌ర్వ్యూలో రాజ‌మౌళి మాట్లాడుతూ షూటింగ్ ప్రారంభ‌మైన ప‌ది రోజుల త‌ర్వాత ఎన్టీఆర్ లుక్, టీజ‌ర్‌ను విడుద‌ల చేసే అవ‌కాశాలున్నాయని అన్నారు. అంటే రాజ‌మౌళి ఈసారి తార‌క్ అభిమానుల‌కు ట్రీట్ ఇవ్వ‌డంపై ఓ క్లారిటీతోనే ఉన్నారు. అయితే ఎంత త్వ‌ర‌గా ఆర్ఆర్ఆర్ షూటింగ్ ప్రారంభం అవుతుంద‌నేది ఆస‌క్తిక‌రంగా మారింది.
క‌రోనా ఎఫెక్ట్‌తో ఆగిన ఆర్ఆర్ఆర్ సినిమా షూటింగ్.. ప‌రిస్థితులు చ‌క్క‌బ‌డ్డ త‌ర్వాతే ప్రారంభం అవుతాయ‌ట. ఇప్ప‌టికే 70 శాతానికి పైగా చిత్రీక‌ర‌ణ పూర్త‌య్యింది. మిగిలిన పావుశాతం చిత్రీక‌ర‌ణ‌ను రాజ‌మౌళి పూర్తి చేయ‌డానికి ఆరు నెల‌ల స‌మ‌యం ప‌ట్టేలానే ఉంద‌ని రాజ‌మౌళి ఈ ఇంట‌ర్వ్యూలో చెప్ప‌డం విశేషం.