ரஜினி பேசும் வசனத்தை யாரையும் கேட்கவிடாமல் செய்வேன். எஸ்.எஸ்.ராஜமெளலி
- IndiaGlitz, [Thursday,October 13 2016]
கடந்த ஆண்டு வெளியான மாபெரும் வெற்றி படமான 'பாகுபலி' படத்தை இயக்கிய பிரமாண்ட இயக்குனர் எஸ்.எஸ்.ராஜமெளலி தற்போது அந்த படத்தின் இரண்டாம் பாக படப்பிடிப்பில் பிசியாக உள்ளார்.
இந்நிலையில் சமீபத்தில் அளித்த ஒரு பேட்டியில் ரஜினியை இயக்கும் வாய்ப்பு கிடைத்தால் அந்த படம் எப்படி இருக்கும் என்பதை அவருடைய பாணியில் சுவாரஸ்யமாக கூறியுள்ளார்.
சூப்பர் ஸ்டார் ரஜினி நடிக்கும் ஒரே ஒரு படத்தையாவது இயக்க வேண்டும் என்பது ஒவ்வொரு இயக்குனரின் கனவு. எனக்கு அந்த வாய்ப்பு கிடைத்தால், அந்த படம் ரிலீஸ் ஆனவுடன் முதல் பத்து நாட்களுக்கு அவர் பேசும் வசனங்கள் யார் காதிலும் விழக்கூடாது. அந்த அளவுக்கு கைதட்டல் சத்தமும், விசில் சத்தமும் கேட்க வேண்டும். அப்படி ஒரு படம் இயக்குவேன்' என்று கூறியுள்ளார்.