ఇండియ‌న్ సినిమాలో ఇప్పుడు ద‌ర్శ‌క‌ధీరుడు రాజ‌మౌళి మోస్ట్ వాంటెడ్ డైరెక్ట‌ర్. ఆయ‌నతో సినిమాలు చేయాల‌ని అంద‌రూ ఆస‌క్తిగా ఎదురుచూస్తున్నారు. రీసెంట్ ఇంట‌ర్వ్యూలో ఆయ‌న్ని ప‌వర్‌స్టార్ ప‌వ‌న్‌క‌ల్యాణ్‌తో సినిమా ఏదైనా చేసే ఆలోచ‌న ఉందా? అని ప్ర‌శ్నించిప్పుడు రాజ‌మౌళి మాట్లాడుతూ ‘‘నేను గతంలో పవన్‌క‌ల్యాణ్‌గారిని ఓ సినిమా కోసం అప్రోచ్ అయ్యాను. అయితే అన్నీ అనుకున్న‌ట్లు కుద‌ర‌క‌పోవ‌డంతో సినిమా సెట్స్ పైకి వెళ్లలేదు. చాలా ప‌వ‌ర్‌ఫుల్ క్యారెక్ట‌ర్ రాసుకున్న‌ప్పుడు అన్నీ ప‌రిస్థితులు అనుకూలిస్తే త‌ప్ప ప‌వ‌న్ క‌ల్యాణ్‌తో సినిమా చేసే అవ‌కాశాలు త‌క్కువ‌గా ఉన్నాయి. ప్ర‌స్తుతం ఆయ‌న రాజ‌కీయాల్లో ఉన్నారు. సినిమాల‌కు త‌క్కువ స‌మ‌యం కేటాయిస్తున్నారు. మ‌రో ప‌క్క నేనెమో సినిమాలు చేయ‌డానికి చాలా స‌మ‌యం తీసుకుంటున్నాను’’ అన్నారు.

రాజ‌మౌళి ఇప్పుడు యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రామ్‌చ‌ర‌ణ్ కాంబినేష‌న్‌లో భారీ బ‌డ్జెట్ చిత్రం ‘రౌద్రం రణం రుధిరం(ఆర్ఆర్ఆర్‌)’. కరోనా ప్ర‌భావం కార‌ణంగా పూణేలో జ‌ర‌గాల్సిన కీల‌క షెడ్యూల్ చిత్రీక‌ర‌ణ ఆగిపోయింది. క‌రోనా ప్ర‌భావం త‌గ్గిన త‌ర్వాత మే నెల‌లో షూటింగ్ స్టార్ట్ చేయాల‌ని చిత్ర యూనిట్ భావిస్తోంది.