இந்தியாவின் மிக அதிக பட்ஜெட் படம் என்ற புகழ் பெற்ற 'பாகுபலி' திரைப்படம் உலகம் முழுவதும் சக்கைபோடு போட்டு ரூ.500 கோடிக்கும் அதிகமாக வசூல் செய்து அனைவரையும் ஆச்சரியப்படுத்திய நிலையில் இந்த படத்தின் இரண்டாம் பாகத்தின் படப்பிடிப்பு விரைவில் தொடங்கவுள்ளது.

முதல் பாகம் ரூ.500 கோடி செய்ததை அடுத்து இரண்டாவது பாகத்தை ரூ.1000 கோடி வசூல் செய்யும்படி செய்ய வேண்டும் என ராஜமவுலி உள்பட படக்குழுவினர் தீவிரமாக இருப்பதாக கூறப்படுகிறது.

கட்டப்பா ஏன் பாகுபலியை கொலை செய்தார்? என்பதை தெரிந்து கொள்ள கண்டிப்பாக முதல்பாகத்தை பார்த்தவர்கள் அனைவரும் இரண்டாம் பாகத்தை பார்க்க வாய்ப்பு இருப்பதாகவும், அதுமட்டுமின்றி தியேட்டருக்கு சென்று படமே பார்க்காதவர்கள் கூட 'பாகுபலி' படத்தை பார்த்துள்ளதால் இரண்டாம் பாகத்திற்கு பெரும் எதிர்பார்ப்பு ஏற்பட்டுள்ளதாகவும் இதன் காரணமாக 'பாகுபலி 2' படம் கண்டிப்பாக முதல் பாகத்தை விட இருமடங்கு வசூல் செய்யும் வாய்ப்பு இருப்பதாக கூறப்படுகிறது.