விரைவில் 'ராஜதந்திரம்' இரண்டாம் பாகம் வெளியீடு
- IndiaGlitz, [Wednesday,September 23 2015]
கடந்த மார்ச் மாதம் வெளியாகி வெற்றி படங்களில் ஒன்றாக விளங்கிய திரைப்படம் 'ராஜதந்திரம்'. கவுதம் மேனன் இயக்கிய 'நடுநிசி நாய்கள்' படத்தில் நடித்த நடிகர் வீரபாஹு நடித்த இந்த படம் ரூ.12 கோடி வரை வசூல் செய்து வெற்றிப்படமாக அமைந்தது. நகரின் பிசியான இடத்தில் உள்ள நகைக்கடையை வீரபாஹு தனது நண்பர்களுடன் சேர்ந்து கொள்ளையடிப்பதுதான் படத்தின் கதை.
இந்நிலையில் 'ராஜதந்திரம்' படத்தின் வெற்றியை அடுத்து இந்த படத்தின் இரண்டாம் பாகத்தை வீரபாஹு தொடங்கிவிட்டதாக கூறப்படுகிறது. இந்த படத்தின் முதல்கட்ட 20 நாட்கள் படப்பிடிப்பு தற்போது நடைபெற்று வருவதாகவும் இவ்வருட இறுதியில் இந்த படம் வெளியாகும் என்றும் கூறப்படுகிறது. முதல் பாகத்தை விட இந்த இரண்டாம் பாகத்தில் விறுவிறுப்பு மற்றும் ரொமான்ஸ் காட்சிகள் அதிகமாக இருக்கும் என்றும் வீரபாஹு கூறியுள்ளார்.
இந்த படம் தவிர மேலும் ஒரு முழுநீள ரொமான்ஸ் படத்தில் நடிக்க வீரபாஹு ஒப்பந்தம் செய்யப்பட்டுள்ளார். ரொமான்ஸ் மற்றும் நெருக்கமான காட்சிகளில் நடிப்பது குறித்து அவர் கூறியபோது, "பொதுவாக ஒரு படத்தில் ரொமான்ஸ் காட்சியை பார்த்து ரசிப்பதுபோல், ரொமான்ஸ் காட்சிகளில் நடிப்பது அவ்வளவு சுலபமில்லை. இந்த காட்சிகளில் நடிக்கும்போது இருவருக்குமே மிகுந்த மன அழுத்தம் ஏற்படும்' என்று அவர் கூறியுள்ளார்.