ప్లాప్ హీరోయిన్‌తో రాజ్ తరుణ్....
- IndiaGlitz, [Wednesday,March 20 2019]
రాజ్ తరుణ్ పేరు చెప్ప‌గానే ఎవ‌రికైనా ఉయ్యాలా జంపాలా సినిమా గుర్తుకొస్తుంది. అప్ప‌టిదాకా డైర‌క్ష‌న్ డిపార్ట్ మెంట్‌లో ప‌నిచేసిన వైజాగ్ కుర్రాడిని అమాంతం హీరోగా చేసిన సినిమా అది. ఆ వెంట‌నే వచ్చిన కుమారి 21ఎఫ్ కూడా రాజ్‌త‌రుణ్ కెరీర్లో చెప్పుకోద‌గ్గ సినిమాగానే నిలిచింది.
అయితే స‌రైన జ‌డ్జిమెంట్ లేకుండా చేసిన స్క్రిప్టుల కార‌ణంగా ఈ మ‌ధ్య రాజ్‌త‌రుణ్ ఫెయిల్యూర్‌లో ఉన్నాడు. దిల్‌రాజు అన్న కొడుకు హ‌ర్షిత్ తెరకెక్కించిన ల‌వ‌ర్ కూడా ఆయ‌న‌కు పెద్ద‌గా ప్ల‌స్ కాలేదు. ఈ నేప‌థ్యంలో అదే దిల్‌రాజు కాంపౌండ్‌లో రాజ్‌త‌రుణ్ మ‌రో సినిమా చేయ‌బోతున్నారు. ఓ ట‌ర్కీస్ సినిమాను బేస్ చేసుకుని మినిమం బ‌డ్జెట్‌లో సినిమా చేయ‌డానికి రాజ్‌త‌రుణ్ సిద్ధ‌మ‌వుతున్నాడట.
ఈ సినిమాలో హీరోయిన్‌గా మేఘా ఆకాశ్ న‌టించ‌నుంది. తెలుగులో ఈమె న‌టించిన లై, ఛ‌ల్‌మోహ‌న్ రంగ చిత్రాలు ఆశించిన మేర విజ‌యాన్ని సాధించ‌లేదు. మ‌రి ఈసారైనా మేఘా ఆకాశ్‌కు మంచి బ్రేక్ దొరుకుతుందేమో చూడాలి. మ‌రో వైపు రాజ్ త‌రుణ్‌కూడా స‌క్సెస్ కోసం ఎదురు చూస్తున్నాడు. త‌న‌కి కూడా మంచి బ్రేక్ ద‌క్కాల‌ని ఆశిద్దాం.