జనవరిలో మూవీ రిలీజ్ ప్లాన్ లో రాజ్ తరుణ్...
- IndiaGlitz, [Friday,December 04 2015]
ఉయ్యాలా జంపాలా మూవీతో తెలుగు తెర‌కు ప‌రిచ‌య‌మైన యువ క‌థానాయ‌కుడు రాజ్ తరుణ్. తొలి చిత్రంతోనే విజ‌యం సాధించి అంద‌రి ద్రుష్టి ఆక‌ర్షించిన రాజ్ తరుణ్ మ‌లి చిత్రం సినిమా చూపిస్త మామ తో కూడా విజ‌యం సాధించాడు. తాజాగా కుమారి 21 ఎఫ్ మూవీతో హ్యాట్రిక్ సాధించిన రాజ్ తరుణ్ జనవరిలో సీత‌మ్మ అందాలు రామ‌య్య సిత్రాలు అనే మూవీ రిలీజ్ చేయడానికి ప్లాన్ చేస్తున్నాడు.
ఈ చిత్రాన్ని శ్రీనివాస్ గ‌విరెడ్డి తెర‌కెక్కించారు. పూర్ణిమ ఎస్.బాబు ఈ మూవీని నిర్మించారు. జ‌న‌వ‌రి 7న సీత‌మ్మ అందాలు రామ‌య్య సిత్రాలు మూవీ ఫ‌స్ట్ లుక్ రిలీజ్ చేయడానికి ప్లాన్ చేస్తున్నారు. మ‌రి...ఉయ్యాలా జంపాలా, సినిమా చూపిస్త మామ, కుమారి 21 ఎఫ్ చిత్రాల‌తో హ్యాట్రిక్ సాధించిన రాజ్ తరుణ్ సీత‌మ్మ అందాలు రామ‌య్య సిత్రాలు మూవీతో డ‌బుల్ హ్యాట్రిక్ కి శ్రీకారం చూడ‌తాడేమో చూడాలి.