రెండు వారాల గ్యాప్‌లో రాజ్ తరుణ్
- IndiaGlitz, [Monday,May 07 2018]
'ఉయ్యాలా జంపాలా', 'కుమారి 21ఎఫ్', 'సినిమా చూపిస్త మావ' లాంటి సినిమాలతో కెరీర్ ఆరంభంలో హ్యాట్రిక్ విజయాలను అందుకున్నారు యంగ్ హీరో రాజ్ తరుణ్. ఆ తర్వాత 'ఈడో రకం ఆడో రకం', 'అంధ‌గాడు' సినిమాలతో కూడా ప్రేక్షకులను ఆకట్టుకున్న ఈ హీరో.. ఈ ఏడాది ఆరంభంలో వచ్చిన 'రంగుల రాట్నం'తో నిరాశ పరిచారు. అయితే.. ఇప్పుడు రెండు వారాల వ్యవధిలో వరుసగా రెండు సినిమాలతో ప్రేక్షకుల ముందుకు రానున్నారు.
ఆ వివ‌రాల్లోకి వెళితే.. రాజ్ తరుణ్, అమైరా దస్తూర్ నాయకానాయికలుగా నటించిన చిత్రం 'రాజుగాడు'. సంజనా రెడ్డి దర్శకురాలిగా పరిచయమవుతున్న ఈ సినిమాని ఎ.కె.ఎంటర్‌టైన్‌మెంట్స్ పతాకంపై రామ‌బ్ర‌హ్మం సుంకర నిర్మించారు.
రాజేంద్రప్రసాద్ కీలకపాత్ర పోషించిన ఈ చిత్రం జూన్ 1న ప్రేక్షకుల ముందుకు రానుంది. మరోవైపు.. దిల్ రాజు నిర్మాణంలో రాజ్ తరుణ్, రిధ్ధి కుమార్ జంటగా అనీష్ కృష్ణ దర్శకత్వంలో నటించిన 'లవర్' సినిమా జూన్ 14న విడుదల కానుంది.ఎంటర్‌టైన్‌మెంట్ పుష్కలంగా ఉండే ఈ రెండు సినిమాలు రాజ్ తరుణ్ కెరీర్‌కి ఏ విధంగా ప్లస్ అవుతాయో చూడాలి.