ఉయ్యాలా జంపాలా, సినిమా చూపిస్త మావ‌, కుమారి 21 ఎఫ్ చిత్రాల‌తో హ్యాట్రిక్ హీరో అనిపించుకున్నాడు యువ క‌థానాయ‌కుడు రాజ్ త‌రుణ్‌. ఆ త‌రువాత కొన్ని ప‌రాజ‌యాలు అందుకున్నా.. ఆడో ర‌కం ఈడో ర‌కం, కిట్టు ఉన్నాడు జాగ్ర‌త్త వంటి విజ‌యాల‌ను త‌న ఖాతాలో వేసుకున్నాడు రాజ్‌. ప్ర‌స్తుతం రంగుల‌రాట్నం, రాజు గాడు చిత్రాల‌తో బిజీగా ఉన్న రాజ్ త‌రుణ్‌.. ఇటీవ‌లే దిల్ రాజు నిర్మించే చిత్రం ప‌ట్టాలెక్కించాడు. అలా ఎలా ఫేమ్ అనీష్ కృష్ణ ద‌ర్శ‌క‌త్వంలో రూపొందుతున్న ఈ చిత్రం నెల రోజుల క్రితం లాంఛ‌నంగా ప్రారంభ‌మైంది.

త్వ‌ర‌లోనే రెగ్యుల‌ర్ షూటింగ్ జ‌రుపుకోనుంది. కాగా, ఈ చిత్రంలో మ‌ల‌యాళ ముద్దుగుమ్మ గాయ‌త్రి సురేష్ కథానాయిక‌గా న‌టించాల్సింది. అయితే కొన్ని కార‌ణాల వ‌ల్ల ఇప్పుడామె స్థానంలోకి మ‌రో హీరోయిన్ వ‌చ్చి చేరింద‌ని టాలీవుడ్ వ‌ర్గాలు పేర్కొంటున్నాయి. పూణేకి చెందిన మోడ‌ల్ రిద్ది కుమార్ ఈ చిత్రంలో రాజ్ త‌రుణ్‌కి జోడీగా క‌నిపించ‌నుంది. దీనికి సంబంధించిన అధికారిక స‌మాచారం త్వ‌ర‌లోనే వెలువ‌డుతుంది.