రాజ్ తరుణ్ దర్శకత్వం?
- IndiaGlitz, [Monday,December 14 2015]
రాజ్ తరుణ్ కి దర్శకత్వం చేయాల‌న్న‌ది క‌ల. అందుకే ద‌ర్శ‌క‌త్వ శాఖ‌లో ప‌నిచేశారు. అనూహ్యంగా ఉయ్యాల జంపాలా సినిమాతో హీరోగా ట‌ర్న్ అయిన రాజ్ తరుణ్ అప్పుడే మూడు హిట్ల‌ను ఖాతాలో వేసుకుని హ్యాట్రిక్ హీరోగా పేరు తెచ్చుకున్నారు. రెమ్యూన‌రేష‌న్‌ను కూడా కోటికి త‌గ్గించ‌డం లేద‌ని వినికిడి. ఈ నేప‌థ్యంలో రాజ్ తరుణ్ దర్శకత్వం చేయ‌బోయే సినిమా స్క్రిప్టు గురించి ఆస‌క్తిక‌ర‌మైన అంశాలు తెలిశాయి. రాజ్ తరుణ్ తొలి సినిమాకు స్క్రిప్ట్ ను అందిస్తాన‌ని వ‌ర్మ అన్నార‌ట. దాంతో తరుణ్ కూడా ఎగిరి గంతేశాడ‌ట. ఆల్రెడీ వ‌ర్మ ద‌ర్శ‌క‌త్వంలో రాజ్ తరుణ్ ఓ మూకీ సినిమా చేస్తార‌నే వార్త‌లూ ఉన్నాయి. సో ఇంత‌కీ ఎవ‌రి ద‌ర్శ‌క‌త్వంలో ఏ సినిమా ముందు మొద‌ల‌వుతుందో చూడాలి.