ஆஸ்திரேலியாவில் நடைபெற்று வரும் காமன்வெல்த் போட்டியில் பளுதூக்கும் போட்டியில் உள்ள அனைத்து பிரிவுகளிலும் இந்தியா தங்கம் பெற்றுவிடும்போல் தெரிகிறது.

ஏற்கனவே பளுதூக்கும் போட்டியில் 48 கிலோ பெண்கள் பிரிவில் மீராபாய் சானுவும், 53 கிலோ பெண்கள் பிரிவில் சஞ்சிதா பானுவும், 77 கிலோ ஆண்கள் பிரிவில் சதீஷ்குமாரும் தங்கம் வென்றுள்ள நிலையில் தற்போது 85 கிலோ எடைப்பிரிவிலும் இந்திய வீரருக்கு தங்கம் கிடைத்துள்ளது.

ஆந்திர மாநிலத்தை சேர்ந்த வெங்கட் ராகுல் 85 கிலோ பளுதூக்கும் எடைப்பிரிவில் தங்கம் வென்று இந்தியாவுக்கு 4வது தங்கத்தை பெற்று கொடுத்துள்ளார். இவர் மொத்தம் 338 கிலோ எடை தூக்கி சாதனை புரிந்துள்ளார். 4வது தங்கம் பெற்று கொடுத்த ராகுலுக்கு வாழ்த்துக்கள் குவிந்து வருகிறது.

இந்த நிலையில் இந்தியா இதுவரை 4தங்கம், 1 வெள்ளி மற்றும் 1 வெண்கலம் என மொத்தம் 6 பதக்கங்களை வென்றுள்ளது என்பது குறிப்பிடத்தக்கது