రాహుల్ తదుపరి చేయబోయే సినిమా?
- IndiaGlitz, [Monday,July 30 2018]
హీరోగా నటించిన రాహుల్ రవీంద్రన్‌ 'చి||ల||సౌ| చిత్రంతో దర్శకుడిగా మారారు. సుశాంత్‌, రుహని శర్మ జంటగా నటించిన ఈ చిత్రం ఆగస్ట్‌ 3న విడుదల కానుంది. ఈ సినిమాకు ట్రేడ్‌ వర్గాల్లో మంచి అంచనాలే క్రియేట్‌ అయ్యాయి. సినిమా చూసిన నాగార్జున అన్నపూర్ణ స్టూడియోస్‌ బ్యానర్‌పై సినిమాను విడుదల చేయడానికి ముందుకు వచ్చారు.
అంతే కాకుండా రాహుల్ రవీంద్రన్‌ టేకింగ్‌ నచ్చడంతో అన్నపూర్ణ స్టూడియోలో సినిమాను డైరెక్ట్‌ చేయమని ఆఫర్‌ కూడా ఇచ్చారు. ఈ విషయాన్ని రాహుల్ రవీంద్రన్‌ నిన్న పాత్రికేయులతో తెలిపారు. అన్నపూర్ణ స్టూడియోస్‌ వారికి రెండు కథలను కూడా చెప్పేశాడట రాహుల్. అందులో ఒకటి సోషల్‌ ఫాంటసీ జోనర్‌ కథాంశం కాగా.. మరొకటి పూర్తిస్థాయి కామెడీ కథాంశం. ఈ రెండింటిలో ఏదో ఓ కథతో రాహుల్ సినిమా ఉండబోతుంది. అయితే ఈ సినిమాను ఎవరితో చేయబోతున్నాడనేదే సస్పెన్స్‌గా మారింది.