తెలుగు రియాల్టీ షో బిగ్‌బాస్ విజయవంతంగా నడుస్తోంది. ప్రతి వారం లాగే శనివారం నాడు అక్కినేని నాగార్జున మోడల్స్‌తో అదిరిపోయే స్టెప్పులు వేస్తూ ఎంట్రీ ఇచ్చారు. ఇదిలా ఉంటే హౌస్‌లోపల మిస్టర్ పర్ఫెక్ట్ సాంగ్‌కి బాబా భాస్కర్ నలుగురు బిగ్ బాస్ బ్యూటీస్‌తో కలిసి స్టెప్పులు అదరగొట్టేశాడు. ఈ సందర్భంగా ముఖానికి నల్లటి క్రీమ్ పూసుకుని మహేష్ విట్టాను భాస్కర్ ఆటపట్టించారు.. ఏంట్రా ముఖానికి పూసుకున్నావ్ అని బాబా భాస్కర్ ఆట పట్టించారు. మరోవైపు సోఫా సెట్‌లో అటు ఇటుగా పడుకున్న రాహుల్, పునర్నవిలు రొమాంటిక్ ముచ్చట్లు మొదలు పెట్టారు. సడెన్‌గా లేచిన రాహుల్... మనం ఇలా పడుకుని ఉంటే.. ఈజీగా మనల్ని ట్రోల్ చేస్తారని రాహుల్ అన్నాడు. నేను అక్కడ పడుకుని ఉంటే నువ్వే పిలిచావ్ అంటూ సీరియస్ అయ్యింది పునర్నవి. అయితే ఇప్పటికే తనతో డేట్‌కి వస్తావా..? అని పునర్నవీని రాహుల్ అడిగిన విషయం విదితమే. అప్పట్నుంచి వీరిద్దరి మధ్య గ్యాప్ చాలా తగ్గుతోంది.

మళ్లీ రచ్చ!

ఇక పాయింట్‌కొస్తే.. రాహుల్-పునర్నవీ ఇద్దరూ మాట్లాడుకుంటుండగా వితికా మధ్యలో ఎంటరై..‘ రా.. టీ పెట్టు’ అంటూ పునర్నవిని ఎత్తుకునే ప్రయత్నం చేసి .. అది వర్కవుట్ కాకపోవడంతో కింద పడేసింది. నన్ను ఎత్తుకుంటే బావుంది అని అనడంతో రాహుల్‌ని వచ్చి పునర్నవిని ఎత్తుకో అని సలహా ఇచ్చింది వితికా. నేను అలా ఎత్తుకుంటే ఇంట్లో ఉన్న వాళ్లు చూసి మామూలుగా మాట్లాడరు అంటు చెప్పుకొచ్చింది. ఆ తర్వాత కిచెన్ టీంలో ఉన్న పునర్నవి, వితికాల మధ్య వంట విషయంలో రచ్చ మొదలైంది. ఆ తర్వాత అక్కినేని నాగ్ ఎంటరై కంటెస్టెంట్లకు బెస్ట్ అవార్డ్స్ ప్రకటించారు.