റെയിൽവേ സ്റ്റേഷനിൽ കൂലി വേഷമണിഞ്ഞ് രാഹുൽ ഗാന്ധി
- IndiaGlitz, [Thursday,September 21 2023]
ഡൽഹി ആനന്ദ് വിഹാർ റെയിൽവേ സ്റ്റേഷനിൽ കൂലി വേഷമണിഞ്ഞ് പെട്ടി ചുമന്ന് രാഹുൽ ഗാന്ധി എം പി. പോർട്ടർമാരുടെ പ്രശ്നങ്ങൾ നേരിട്ട് ചോദിച്ചറിയുന്നതിൻ്റെ ഭാഗമായാണ് രാഹുൽ ഗാന്ധി എത്തിയത്. റെയിൽവേ കൂലിയുടെ ചുവന്ന ഷർട്ട് ധരിച്ച് തലയിൽ ലഗേജ് ബാഗും ചുമന്ന് നടന്ന രാഹുലിൻ്റെ വീഡിയോ ഇതിനോടകം സോഷ്യൽ മീഡിയയിൽ വൈറൽ ആയി മാറി. സ്റ്റേഷനിലെ കൂലി തൊഴിലാളികൾ രാഹുൽ ഗാന്ധിക്കുവേണ്ടി മുദ്രാവാക്യം വിളിച്ചു.
ചുവന്ന ഷർട്ടും ബാഡ്ജും ധരിക്കുക മാത്രമല്ല, ചുമട് ചുമക്കുകയും ചെയ്തു. ആയിരക്കണക്കിന് ആളുൾ അദ്ദേഹത്തിൻ്റെ ചുറ്റിലും ഉണ്ടായിരുന്നു. കഴിഞ്ഞ മാസം ആസാദ്പുരിലെ പച്ചക്കറി മാർക്കറ്റിൽ രാഹുൽ അപ്രതീക്ഷിതമായി എത്തിയിരുന്നു. കൂടാതെ ഹരിയാനയിലെ സോനിപ്പട്ടിലെ മദിന ഗ്രാമം സന്ദർശിക്കുകയും രാഹുൽ കർഷകർക്കാപ്പം ഒരുപാട് നേരം ചെലവിടുകയും ചെയ്തു. കർഷകർക്കൊത്ത് നിലം ഉഴുന്നതും ഞാറ് നടന്നതും ഭക്ഷണം കഴിക്കുന്നതുമൊക്കെ അന്ന് വൈറലാവുകയും ചെയ്തിരുന്നു.