ஒரு திரைப்படத்தில் மூன்று வித்தியாசமான கேரக்டர்களில் ஒரு நடிகர் நடிப்பது என்பது மிகப்பெரிய விஷயம். சிவாஜி, கமல் போன்ற அனுபவம் வாய்ந்த நடிகர்களுக்கே இந்த பணி சவாலாக இருக்கும். இந்த நிலையில் சிவாஜி, கமல்ஹாசனை அடுத்து  அடுத்த தலைமுறை நடிகர்களான அஜித், விஜய், சூர்யா ஆகியோர்களும் மூன்று வேடங்களில் நடித்துள்ளனர். 

'வரலாறு' படத்தில் அஜித்தும், '24' படத்தில் சூர்யாவும், 'மெர்சல்' படத்தில் விஜய்யும் மூன்று வேடங்களில் நடித்துள்ளனர். இந்த மூன்று படங்களுமே வெற்றி பெற்று மூவருக்கும் மறக்க முடியாத படமாக அமைந்துள்ளது என்பது ஒரு ஒற்றுமை என்றால் இந்த படங்களில் இன்னொரு ஒற்றுமையும் உள்ளது.

வரலாறு, 24, மெர்சல் ஆகிய மூன்று படங்களுக்கும் ஆஸ்கார் நாயகன் ஏ.ஆர்.ரஹ்மான் இசையமைத்துள்ளார் என்பதுதான் அந்த இன்னொரு ஒற்றுமை. மேலும் மூன்று படங்களிலும் பாடல்கள் மற்றும் பின்னணி இசையில் ரஹ்மான் பட்டையை கிளப்பியிருப்பார் என்பதும் குறிப்பிடத்தக்கது.