தென்னாப்பிரிக்காவுக்கு எதிரான டெஸ்ட் போட்டியின்போது பந்தை சேதப்படுத்திய விவகாரம் பூதாகரமாகியதால் ஆஸ்திரேலிய கேப்டன் ஸ்மித்தை கேப்டன் பதவியில் இருந்து நீக்கி ஆஸ்திரேலிய கிரிக்கெட் சங்கம் அதிரடி நடவடிக்கை எடுத்தது.

இந்த நிலையில் ஐபிஎல் போட்டியில் ராஜஸ்தான் அணியின் கேப்டனாக தேர்வு செய்யப்பட்டிருந்த ஸ்மித், அந்த அணியின் கேப்டன் பதவியில் இருந்தும் நீக்கப்படுவார் என்று எதிர்பார்க்கப்பட்டது. இருப்பினும் ஐசிசியின் முடிவை பொறுத்தே அவர் மீது எந்தவகையான நடவடிக்கை எடுப்பது குறித்து ஆலோசனை செய்யப்படும் என்று ஐபிஎல் தலைவர் ராஜீவ் சுக்லா கூறியிருந்தார்

இந்த நிலையில் சற்றுமுன் வெளியாக தகவலின்படி ராஜஸ்தான் ராயல் அணியின் கேப்டன் பொறுப்பில் இருந்தும் ஸ்மித் நீக்கப்பட்டதாக அறிவிக்கப்பட்டது. இதனையடுத்து ரஹானே புதிய கேப்டனாக நியமனம் செய்யப்பட்டுள்ளார்.