ராகவா லாரன்ஸ் நடித்த பெரும் எதிர்பார்ப்புக்குள்ள திரைப்படமான 'மொட்டசிவா கெட்டசிவா' திரைப்படம் இன்று உலகம் முழுவதும் வெளியாகிறது. 'காஞ்சனா' சூப்பர் ஹிட் வெற்றிக்கு பின்னர் வெளியாகும் ராகவா லாரன்ஸ் படம் என்பதால் ரசிகர்களிடம் பெரும் எதிர்பார்ப்பை ஏற்படுத்தியுள்ளது.

இந்நிலையில் ராகவா லாரன்ஸ் நடித்து முடித்துள்ள இன்னொரு படமான 'சிவலிங்கா' திரைப்படம் தமிழ்ப்புத்தாண்டு விருந்தாக வரும் ஏப்ரல் 14ஆம் தேதி வெளியாகும் என்று அறிவிக்கப்பட்டுள்ளது. ரிலீஸ் தேதியுடன் கூடிய புதிய போஸ்டர் ஒன்று சற்றுமுன்னர் சமூக இணையதளங்களில் வெளியாகி மிக வேகமாக வைரலாக பரவி வருகிறது.

ஏற்கனவே முன்னணி நடிகர்கள் பட்டியலில் உள்ள ராகவா லார்ன்ஸ் 'மொட்டசிவா கெட்டசிவா மற்றும் 'சிவலிங்கா' ஆகிய இரண்டு படங்களையும் அடுத்தடுத்த வெற்றிப்படங்களாக்கி தனது இடத்தை தக்க வைத்து கொள்வார் என்று எதிர்பார்க்கப்படுகிறது.

ராகவா லாரன்ஸ், ரித்திகாசிங், சதி, வடிவேலு, ராதாரவி, பானுப்ரியா, ஊர்வசி உள்பட பலர் நடித்துள்ள 'சிவலிங்கா' திரைப்படத்தை பி.வாசு இயக்கியுள்ளார். எஸ்.தமன் இசையில் உருவாகியுள்ள இந்த படத்தை ரவீந்திரன் தயாரித்துள்ளார்.