ராகவா லாரன்ஸ் நடித்த 'மொட்டசிவா கெட்டசிவா' மற்றும் 'சிவலிங்கா' ஆகிய இரு படங்களும் ஒரே நாளில் வெளியாகும் என்று ஒருசில நாட்களுக்கு முன்னர் செய்திகள் உலா வந்தது. ஆனால் தற்போது 'மொட்டசிவா கெட்டசிவா' திரைப்படம் மட்டும் வரும் வெள்ளியன்று அதாவது பிப்ரவரி 24ஆம் தேதி வெளியாகும் என்று உறுதி செய்யப்பட்டுள்ள நிலையில் 'சிவலிங்கா' படத்தின் ரிலீஸ் தேதி குறித்து தெரிந்து கொள்ள அவருடைய ரசிகர்கள் ஆவலுடன் உள்ளனர்.

இந்நிலையில் நாளை மகாசிவராத்திரியை முன்னிட்டு 'சிவலிங்கா' படத்தின் அதிகாரபூர்வ ரிலீஸ் தேதியை படக்குழுவினர் அறிவிக்கவுள்ளதாக செய்திகள் வெளிவந்துள்ளது. இந்த தகவல் வெளிவந்தவுடன் ராகவா லாரன்ஸ் ரசிகர்கள் #SivalingaRelease என்ற ஹேஷ்டேக்கை உருவாக்கி அதை டிரண்டுக்கு கொண்டு வந்துள்ளனர்.

ராகவா லாரன்ஸ், ரித்திகாசிங், சதி, வடிவேலு, ராதாரவி, பானுப்ரியா, ஊர்வசி உள்பட பலர் நடித்துள்ள 'சிவலிங்கா' திரைப்படத்தை பி.வாசு இயக்கியுள்ளார். எஸ்.தமன் இசையில் உருவாகியுள்ள இந்த படத்தை ரவீந்திரன் தயாரித்துள்ளார்.