மீண்டும் இணைகிறது 'சந்திரமுகி' கூட்டணி?
- IndiaGlitz, [Friday,May 13 2016]
இயக்குனர் பி.வாசு கன்னடத்தில் இயக்கிய 'ஷிவலிங்கா' திரைப்படம் நல்ல வரவேற்பை பெற்றது என்பதை ஏற்கனவே பார்த்தோம். கன்னட சூப்பர் ஸ்டார் ஷிவராஜ்குமார், வேதிகா நடித்த இந்த படத்தை தற்போது தமிழில் ரீமேக் செய்ய பி.வாசு திட்டமிட்டுள்ளதாக தகவல்கள் வெளிவந்துள்ளது.
'சந்திரமுகி 2' என்ற பெயரில் ரஜினியை வைத்து பி.வாசு இயக்க முதலில் திட்டமிட்டிருந்தார். ஆனால் ரஜினி தற்போது '2.0' படத்தில் பிசியாக இருப்பதால் தற்போது அவருக்கு பதில் ராகவா லாரன்ஸ் நடிப்பார் என எதிர்பார்க்கப்படுகிறது.
இந்நிலையில் 'சந்திரமுகி' படத்தில் கலக்கலான காமெடி நடிப்பை தந்த வடிவேலு இந்த படத்தில் இணையவிருப்பதாக தகவல்கள் வெளிவந்துள்ளது. இந்த படத்தின் மற்ற நடிகர், நடிகைகள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் விரைவில் இந்த படம் குறித்த அறிவிப்பு வெளிவரும் என்றும் கூறப்படுகிறது.