రాఘవ లారెన్స్ 'శివలింగ' సింగిల్ ట్రాక్ వస్తోంది..!
- IndiaGlitz, [Thursday,January 05 2017]
కన్నడలో శివరాజ్ కుమార్ హీరోగా, పి.వాసు దర్శకత్వంలో గతేడాది సూపర్ హిట్ అయిన చిత్రం" శివలింగ ". ఇప్పుడు అదే" శివలింగ" పేరుతో తెలుగులో ఈ చిత్రం రీమేక్ అవుతోంది .లారెన్స్, రితికాసింగ్ జంటగా నటించిన ఈ చిత్రాన్ని దర్శకుడు పి.వాసు తెర‌కెక్కించారు.30 కోట్ల భారీ బడ్జెట్ తో అభిషేక్ ఫిలింస్ పతాకం పై రమేష్ పి. పిళ్లై శివలింగను నిర్మించారు. ఎస్.ఎస్. థమన్ సంగీతాన్ని అందించిన ఈ సినిమా సింగిల్ ట్రాక్ ను శుక్రవారం యుట్యూబ్ లో విడుదల చేయనున్నారు.
ఈ సందర్బంగా నిర్మాత మాట్లాడుతూ... కథే హీరోగా కన్నడ లో బ్లాక్ బస్టర్ అయిన చిత్రం 'శివలింగ '. పి.వాసు గారి చంద్రముఖి, లారెన్స్ కాంచన , గంగ చిత్రాలను మించిన కథ, కథనాలతో హార్రర్ ఎంటర్ టైనర్ గా శివలింగ తెరకెక్కుతోంది. ఈ సినిమా చిత్రీకరణ పూర్తయింది.నిర్మాణాంతర కార్యక్రమాలు జరుగుతున్నాయి. తమన్ సంగీతాన్ని అందించిన సింగిల్ ట్రాక్ ను శుక్రవారం విడుదల చేయనున్నాం. త్వరలో పాటలను, ఫిబ్రవరిలో సినిమాను విడుదల చేస్తాం. హార్రర్ కాన్సెప్ట్ ల పరంగా శివలింగ నెక్ట్స్ లెవెల్ లో ఉండే చిత్రం అన్నారు.
రాఘ‌వ‌లారెన్స్‌, రితిక సింగ్‌, వ‌డివేలు, శ‌క్తివాసు, రాధార‌వి, జ‌య‌ప్ర‌కాష్‌, ప్ర‌దీప్ రావ‌త్ త‌దిత‌రులు న‌టిస్తున్న ఈ చిత్రానికి సినిమాటోగ్ర‌ఫీః స‌ర్వేష్ మురారి. మ్యూజిక్ః ఎస్.ఎస్.థమన్, సాహిత్యంః రామ‌జోగ‌య్య శాస్త్రి, ఆర్ట్ః దురైరాజ్‌, ఫైట్స్ః అన‌ల్ అర‌సు, దినేష్‌, ఎడిటింగ్ః సురేష్, నిర్మాతః రమేష్.పి.పిళ్లై , దర్శకత్వం : పి.వాసు