ரஜினிகாந்த் ஒருவர் மட்டுமே சூப்பர் ஸ்டார். ராகவா லாரன்ஸ் விளக்கம்
- IndiaGlitz, [Thursday,March 09 2017]
ராகவா லாரன்ஸ் நடிப்பில் இன்று வெளியாகியுள்ள 'மொட்டசிவா கெட்ட சிவா' படத்தின் டைட்டிலில் அவர் பெயருக்கு முன்னாள் 'மக்கள் சூப்பர் ஸ்டார்' என்ற அடைமொழி உள்ளது.
இந்த படத்தை இன்று பார்த்தவர்கள் இந்த பட்டம் குறித்து தங்கள் கருத்துக்களை சமூக வலைத்தளத்தில் வெளியிட்டு வருகின்றனர்.
இந்நிலையில் ராகவா லாரன்ஸ் இதுகுறித்து விளக்கம் அளித்துள்ளார். டைட்டிலில் தனது பெயருக்கு முன்னாள் 'மக்கள் சூப்பர் ஸ்டார்' என்ற பட்டம் என்னுடைய அனுமதியில்லாமல் படக்குழுவினர்களே போட்டுள்ளனர். இது போன்ற எந்தவொரு பட்டத்தையும் நான் விரும்பியதில்லை.
ஒரு ரஜினி ரசிகனாக நான் சொல்வது என்னவெனில் 'ரஜினிகாந்த் ஒருவர் மட்டுமே சூப்பர் ஸ்டார், அவரை தவிர வேறு யாரும் சூப்பர் ஸ்டாராக முடியாது' என்றும் கூறியுள்ளார்.
கடந்த சில வருடங்களாக ராகவா லாரன்ஸ் சமூக நல பணிகளில் ஈடுபட்டு வருகிறார். குறிப்பாக ஜல்லிக்கட்டு போராட்டத்திற்கு அவர் கொடுத்த ஆதரவு மிகப்பெரிய அளவில் இருந்தது. இந்நிலையில் படக்குழுவினர் அவருடைய சமூக சேவையை பாராட்டும் வகையில் இந்த பட்டத்தை அவருக்கு பெயருக்கு முன்னால் போட்டிருக்கலாம் என்று கூறப்படுகிறது.