ராகவா லாரன்ஸ், நிக்கி கல்ராணி நடிப்பில் சாய்ரமணி இயக்கத்தில் உருவாகியுள்ள 'மொட்டசிவா கெட்டசிவா' திரைப்படம் தடைகள் பலவற்றை தகர்த்து ரசிகர்களின் வேண்டுகோளுக்கு இணங்க ஒரு நாள் முன்னதாகவே அதாவது மார்ச் 9ஆம் தேதி ரிலீஸ் ஆகவுள்ளதாக வெளிவந்த செய்தியினை ஏற்கனவே பார்த்தோம்

இந்நிலையில் இந்த படத்திற்கு தமிழக அரசின் 30% வரிவிலக்கு சலுகை தற்போது கிடைத்துள்ளது. இந்த தகவல் தயாரிப்பாளர், விநியோகிஸ்தர்கள், மற்றும் திரையரங்கு உரிமையாளர்களுக்கு உற்சாகத்தை கொடுத்துள்ள நிலையில் இதுவே இந்த படத்தின் முதல் வெற்றியாக கருதப்படுகிறது.

ராகவா லாரன்ஸ் நடித்த முந்தைய படமான 'காஞ்சனா' திரைப்படம் வசூலில் மிகப்பெரிய சாதனை செய்ததால் இந்த படம் பெரும் எதிர்பார்ப்பை ஏற்படுத்தியுள்ளது. அந்த எதிர்பார்ப்பை இந்த படம் பூர்த்தி செய்யுமா? என்பதை நாளை மறுநாள் விமர்சனத்தில் பார்ப்போம்