2 முக்கிய காரணங்களுக்காக ரஜினியை சந்தித்த ராகவா லாரன்ஸ்
- IndiaGlitz, [Friday,September 09 2016]
சூப்பர் ஸ்டார் ரஜினிகாந்த் அவர்களின் தீவிர ரசிகர்களில் ஒருவரும், அவர் மீது மதிப்பிலடங்கா மரியாதை வைத்துள்ளவருமான ராகவா லாரன்ஸ் சமீபத்தில் ரஜினியை சந்தித்தார். இதுவொரு மரியாதை நிமித்த சந்திப்பு என்று கூறப்பட்டாலும் அவர் இரண்டு முக்கிய காரணங்களுக்காக ரஜினியை சந்தித்ததாக கூறப்படுகிறது
பி.வாசு இயக்கத்தில் ராகவா லாரன்ஸ் நடித்து வரும் 'சிவலிங்கா' படத்தில் நடிப்பது குறித்து ரஜினியிடம் விளக்கி அவரிடம் வாழ்த்து பெறுவதற்கும், தனது தாயாருக்கும் காயத்திரி தேவிக்கும் கோவில் கட்டி வருவது குறித்து ரஜினியிடம் தெரிவித்து அது சம்மந்தமான புகைப்படங்களை அவருக்கு காண்பித்து வாழ்த்துப் பெறுவதற்கும் இந்த சந்திப்பை ராகவா லாரன்ஸ் பயன்படுத்தியுள்ளார்.
மேலும் தாயாருக்கும், காயத்ரி தேவிக்கும் கோயில் கட்டும் பணி இறைவனின் அருளால் சிறப்பாக நடைபெற்று வருவதாகவும் விரைவில் இந்த இரு கோவில்களும் திறக்கப்படும் என்றும் ராகவா லாரன்ஸ் தரப்பில் இருந்து கூறப்படுகிறது.