ராகவா லாரன்ஸ் பத்திரிகையாளர் சந்திப்பு: ரஜினிக்கு ஆதரவு என அறிவிப்பா?
- IndiaGlitz, [Tuesday,January 02 2018]
சூப்பர் ஸ்டார் ரஜினிகாந்த் கடந்த 31ஆம் தேதி அரசியலுக்கு வருவது உறுதி என்று அறிவித்துவிட்ட நிலையில் ரஜினி ரசிகர்கள் முழு வீச்சில் அரசியல் களத்தில் இறங்கி ஆரம்பகட்ட பணிகளை செய்து வருகின்றனர்.
இந்த நிலையில் ரஜினியின் அரசியல் அறிவிப்புக்கு கோலிவுட் திரையுலகினர் பலர் ஆதரவும், ஒருசிலர் எதிர்ப்பும் தெரிவித்து வருகின்றனர். இந்த நிலையில் ரஜினியின் தீவிர ரசிகரும், நடிகர் மற்றும் இயக்குனருமான ராகவா லாரன்ஸ் வரும் 4ஆம் தேதி பத்திரிகையாளர் சந்திப்புக்கு ஏற்பாடு செய்துள்ளார்.
இந்த சந்திப்பில் அவர் தனது தாயாருக்காக கட்டிய கோவில் திறப்பு விழா குறித்த அறிவிப்பை வெளியிடுவார் என தெரிகிறது. மேலும் இந்த சந்திப்பில் ரஜினியின் அரசியல் எண்ட்ரி, அவருடைய கட்சிக்கு ஆதரவு தெரிவிப்பது குறித்த முக்கிய அறிவிப்பை ஒன்றை அவர் கூறுவார் என்று எதிர்பார்க்கப்படுகிறது. ஏற்கனவே 'வா தலைவா போருக்கு வா தலைவா' என்ற பாடலை ரஜினியின் அரசியல் வருகைக்காக ராகவா லாரன்ஸ் சமீபத்தில் வெளியிட்டார் என்பது குறிப்பிடத்தக்கது.