சமீபத்தில் வெளியான சூர்யா நடித்த ’ஜெய்பீம்’ திரைப்படம் மிகப்பெரிய வரவேற்பை பெற்றது என்பதும் தமிழக முதல்வர் முக ஸ்டாலின் உள்ளிட்ட பல அரசியல் பிரபலங்களும் உலகநாயகன் கமல்ஹாசன் உள்ளிட்ட பல திரையுலக பிரபலங்களும் இந்த படத்தை பாராட்டி கொண்டாடினார்கள் என்பதும் குறிப்பிடத்தக்கது.

இந்த நிலையில் இந்த படம் நிஜ கதையை தழுவி உருவாக்கப்பட்டது என்பதும் இந்த படத்தில் வரும் ராசாக்கண்ணுவின் உண்மையான மனைவி பார்வதி அவர்கள் தற்போது வாழ்ந்து வருகிறார் என்பதும் தெரிந்ததே.

இந்த நிலையில் போலீசாரால் தாக்குதலுக்கு உள்ளாக்கப்பட்டு கொடுமைக்கு உள்ளான ராசாக்கண்ணுவின் மனைவி பார்வதி அவர்களுக்கு ராகவா லாரன்ஸ் உதவி செய்ய முன் வந்துள்ளதாக அறிவித்துள்ளார். செய்யாத குற்றத்திற்காக சித்திரவதைக்கு உள்ளாக்கப்பட்டு கொல்லப்பட்ட ராசாக்கண்ணுவின் மனைவி பார்வதி அம்மாளின் இன்றைய நிலையை அறிந்து மிகவும் வருத்தமுற்றேன் என்றும், பார்வதி அம்மாள் அவர்களுக்கு எனது சொந்த செலவில் வீடு கட்டி கொடுப்பதாக உறுதி அளிக்கிறேன் என்றும் ராசாக்கண்ணுவின் மனைவி பார்வதி அம்மாவின் வறுமை நிலையை எனது கவனத்திற்கு கொண்டு வந்தவர்களுக்கு எனது நன்றி என்றும் தெரிவித்துள்ளார்.

28 வருடங்களுக்கு முன் நடந்த ஒரு கொடூர நிகழ்வை இன்றைக்கு தமிழகம் முழுக்க பேசு பொருளாக்கிய ’ஜெய்பீம்’ படக்குழுவினருக்கும் ’ஜெய்பீம்’ படத்தை ஒரு உயரிய கலைப்படைப்பாக மாற்றிய சூர்யா அவர்களுக்கும் ஜோதிகா அவர்களுக்கும் இயக்குனர் ஞானவேல் அவர்களுக்கும் எனது மனமார்ந்த பாராட்டுக்களும் நன்றிகளும் என்று ராகவா லாரன்ஸ் தெரிவித்துள்ளார்.

A house for Rajakannu’s family ???? #JaiBhim #Suriya @Suriya_offl @2D_ENTPVTLTD @rajsekarpandian @tjgnan @jbismi14 @valaipechu pic.twitter.com/nJRWHMPeJo

— Raghava Lawrence (@offl_Lawrence) November 8, 2021