நடிகரும் இயக்குனருமான ராகவா லாரன்ஸ் சமீபத்தில் கொரோனா தடுப்பு நிதியாக ரூ 3 கோடி அளித்தார் என்பது தெரிந்ததே. இதில் 50 லட்சம் மத்திய அரசு நிவாரண பணிக்கும், 50 லட்சம் மாநில அரசு நிவாரண பணிக்கும், 50 லட்சம் பெப்சி அமைப்புக்கும், 50 லட்சம் நடன இயக்குனர் அமைப்புக்கும், 25 லட்சம் மாற்றுத்திறனாளி குழந்தைகளுக்கும், 75 இலட்சம் ராயபுரம் பகுதி தினக்கூலி மக்களுக்கும் அளித்தார் என்பது தெரிந்ததே.

அதுமட்டுமின்றி சமீபத்திய அவர் தூய்மைப் பணியாளருக்கு ரூபாய் 25 லட்சம் அளித்தார் என்பது குறிப்பிடத்தக்கது. தயாரிப்பாளர் கதிரேசன் மூலம் இந்த பணம் தூய்மைப்பணியாளர்களின் வங்கி கணக்கிற்கு செல்ல ஏற்பாடு செய்யப்பட்டு வருகிறது.

இந்த நிலையில் தற்போது ராகவா லாரன்ஸ் மேலும் 15 லட்சம் ரூபாய் நிதி உதவி செய்துள்ளார். இம்முறை அவர் சென்னை செங்கல்பட்டு மாவட்டம் விநியோகிஸ்தர் சங்கத்தினர் நலனுக்காக அளித்து உள்ளார் என்பது குறிப்பிடத்தக்கது. இந்த பணத்தை அவர் சென்னை-செங்கல்பட்டு விநியோகஸ்தர் சங்கத்தின் தலைவர் டி ராஜேந்தர் அவர்களிடம் அளித்துள்ளார். இதற்கு டி ராஜேந்தர் நன்றி தெரிவித்துள்ளார் என்பது குறிப்பிடத்தக்கது.