ராம்சரண்தேஜா, சமந்தா நடிப்பில் கடந்த ஆண்டு வெளியான சூப்பர் ஹிட் தெலுங்கு படம் ரங்கஸ்தலம். இந்த படம் சென்னை உட்பட தமிழகத்தின் முக்கிய நகரங்களில் தெலுங்கு மொழியிலேயே ரிலீசாகி நல்ல வரவேற்பை பெற்றது

இந்த நிலையில் இந்த படத்தை தமிழில் ரீமேக் செய்ய கடந்த சில மாதங்களாக முயற்சிகள் நடந்து கொண்டிருந்த நிலையில் தற்போது இது குறித்த செய்திகள் வெளியாகி உள்ளது

ரங்கஸ்தலம் தெலுங்கு ரீமேக் உரிமையை ராகவா லாரன்ஸ் பெற்றுள்ளதாகவும், இந்த படத்தில் அவர் ராம்சரண் தேஜா வேடத்தில் நடிக்க இருப்பதாகவும் செய்திகள் வெளியாகி வருகிறது. மேலும் இந்த படத்தை பிரபல இயக்குனர் லிங்குசாமி இயக்க உள்ளதாகவும் கூறப்படுகிறது இது குறித்த அறிவிப்பு விரைவில் வெளிவரும் என தெரிகிறது

தற்போது காஞ்சனா படத்தின் இந்தி ரீமேக் படமான ’லட்சுமி பாம்’ என்ற படத்தில் பிஸியாக இருக்கும் ராகவா லாரன்ஸ், அடுத்ததாக சன் பிக்சர்ஸ் நிறுவனத்தின் ஒரு படத்தில் நடித்து இயக்க உள்ளார் என்பது குறிப்பிடத்தக்கது